18 წლის მარიამი, რომელსაც მშობიარობა გაურთულდა და კომაში იყო, ახლა კარგადაა და უკვე ბინაზეც გაეწერა.
ინფორმაციას გოგონას მდგომარეობის შესახებ ღუდუშაურის კლინიკა სოციალურ ქსელში ავრცელებს:
“მაღალი საზოგადოებრივი ინტერესის გათვალისწინებით, გვინდა მარიამის უამრავ გულშემატკივარს სიხარულით ვაცნობოთ, რომ მორიგი რთული სამედიცინო შემთხვევა, ღუდუშაურის კლინიკის ყველა რგოლის ერთობლივი ძალისხმევით, წარმატებით დასრულდა.
ჩვენს კლინიკაში გადმოყვანილი პაციენტი უკვე გაეწერა და მალე თავის პატარასთან ერთად ცხოვრებას ჩვეულ რიტმში განაგრძობს.
დღემდე არ წყდება ზარები და შეტყობინებები, სრულიად უცხო ადამიანების მხრიდან, რომლებიც დახმარების სურვილს გამოთქვამენ, გვინდა გამოჩენილი გულისხმიერებისთვის დიდი მადლობა გადავუხადოთ თითოეულ მათგანს. მარიამს და მის პატარას კი, ჯანმრთელობა და ბედნიერება ვუსურვოთ”, – ნათქვამია ინფორმაციაში.