ჟურნალისტმა ნანუკა ჟორჟოლიანმა ჟურნალ “თბილისელებთან” წონის დაკლების შესახებ საუბრობს:
„საკმაოდ რთული იყო ამ შედეგის მიღწევა. ადამიანებს ერთმანეთში გვეშლება წონის კლება და კარგად ყოფნა. შეიძლება წონაში დაიკლო, მაგრამ იყო ძალიან ცუდად. მე ამის მაგალითი ვარ. ძალიან ხშირად ჩემი სტრესების მიზეზი ყოფილა შიმშილი, არასწორი კვება, მოუწესრიგებელი ძილი და ასე შემდეგ. ამ საკითხში საჭირო ცოდნა წლებმა და გამოცდილებამ მომიტანა. ჯანსაღი ცხოვრების წესზე გადავედი, მაგრამ მიზეზი ჩემი მენტალური პრობლემები იყო. ამოვიღე გლუტენი და ლაქტოზა, ეტაპობრივად გადავდგი ეს ნაბიჯები, დავიწყე ჩემი ორგანიზმის მოსმენა. რაც მთავარია, მას შიმშილით აღარ ვსტრესავდი. ჯამში საოცნებო შედეგამდე მივედი მუცლის აბდომინოპლასტიკითა და ტანის ლიპოსკულპტურით…
ახლა უკეთესი ვარ, ვიდრე ვიყავი 16, 17 და 18 წლის ასაკში…
ჩემს ცხოვრებაში პირველად ვთამაშობ ქალობანას. ამდენი ხანი სულ რაღაცისთვის ვიბრძოდი, მთელი ცხოვრება მებრძოლი ქალის მდგომარეობაში ვარ და ახლა ვიტყვი – აღარ ვარ ძლიერი ქალი, სუსტი ვარ. დადგა დროც, აღარ მინდა ძლიერება, მინდა, სუსტი ქალი ვიყო და ვარ“