ასტროლოგების თქმით, აგვისტო ძალაუფლების თვეა და წყლის ლურჯი კურდღლის წლის ენერგია მაქსიმალურ ნიშნულს აღწევს. ამიტომაც, წინ ბევრი ახალი შესაძლებლობა, საინტერესო თავგადასავალი და ბედნიერი დღეა. თუმცა, ეს ყველაფერი გატეხილ მინაზე ცეკვას უფრო ჰგავს. თითოეულ ადამიანს სასურველი შედეგის მისაღწევად დიდი სიფრთხილის გამოჩენა მოუწევს:
ამ კუთხით, ყველაზე საყურადღებო დღეებია: 14, 20, 21, 23 აგვისტო. ამ დღეებში ადამიანები არაპროგნოზული ხასიათითა და ქცევით გამოირჩევიან და ნებისმიერ დროს შეიძლება, სიტუაცია შეიცვალოს. მომატებულ ემოციურობას იგრძნობთ, გაგიჭირდებათ კომუნიკაცია და გადაწყვეტილების მიღება. თუმცა, ერთ-ერთი ყველაზე ემოციური დღე 22 აგვისტოა. ასტროლოგების თქმით, ამ დღეს ყველა ადამიანი განსაკუთრებით უნდა ეცადოს, რომ გაუგებრობები, კამათი თავიდან აირიდოს. წინააღმდეგ შემთხვევაში, არ არის გამორიცხული, როგორც პირად, ასევე საქმიან ურთიერთობებში საქმე ცუდად წავიდეს და არასასურველი შედეგი მიიღოთ.
თვის ყველაზე ხელსაყრელი თარიღებია: 4, 10, 17, 24, 26 და 29 აგვისტო. ამ დღეებში ყველაფერი იმაზე მარტივად გამოგივათ, ვიდრე სხვა პერიოდში. შესანიშნავი დროა მოლაპარაკებებისთვის, ახალი საქმის წამოწყებისა და იდეების განხორციელებისათვის. სამყარო თქვენ მხარეს იქნება და მხარს მაქსიმალურად დაგიჭერთ.
თვის მთავარი აკრძალვები:
ასტროლოგები გირჩევენ, რომ ამ თვეში ნუ გადაწყვეტთ მანიპულირებას, ცუდ საქმეებზე ფიქრს, ინტრიგების დაგეგმვას. კარმის პრინციპი განსაკუთრებით მოქმედებს და სამყარო გაშვებულ ენერგიას უკან ორმაგად დაგიბრუნებთ. იყავით კეთილგანწყობილი, მეგობრობისა და თანამშრომლობის სურვილით და ბევრად უკეთეს შედეგს მიიღებთ.
თვის მთავარი სიხარული:
აგვისტო თქვენი სანუკვარი ოცნებების ასრულების თვეა. გაიხსენეთ, რა გინდოდათ ბავშვობაში და აუცილებლად მიუბრუნდით თქვენს ჰობის, მიზნებსა და სურვილებს. წარმატებას აუცილებლად მიაღწევთ. საუკეთესო პერიოდია მავნე ჩვევებთან გამკლავების, ცვლილებების განხორციელებისათვის. ამიტომ, შანსს ხელიდან ნუ გაუშვებთ.
ის, რაც აგვისტოში უნდა გაითვალისწინოთ:
რაკი ამ თვის ბევრ დღეს კომუნიკაცია გართულებულია და ადამიანებიც მომატებულ ემოციურობას გრძნობენ, ორაზროვანი ფრაზების თქმას მოერიდეთ და მკაფიოდ ჩამოაყალიბეთ ყველასთან ის, რაც გინდათ. ისწავლეთ ზუსტი ,,არას“ თქმა. თუმცა, მნიშვნელოვანი შესყიდვების გაკეთებისას, სხვა ადამიანების რეკომენდაციის გათვალისწინებაც გამოგადგებათ. წინააღმდეგ შემთხვევაში, შესაძლოა, ფინანსური ზარალი განიცადოთ.
დაგეგმეთ ბევრი სიახლე, თავგადასავალი, იყავით გამბედავი და თავდაჯერებული და წარმატება აუცილებლად მოვა.
წყარო: ბომონდი