„სითი მოლის” ადმინისტრაცია მოუწოდებს მომხმარებლებს, გადაუდებელი აუცილებლობის გარეშე მოლებს არ ესტუმრონ. ამის შესახებ ჟურნალისტებთან საუბრისას „სითი მოლის” საზოგადოებასთან ურთიერთობის ხელმძღვანელმა სოფო ელოშვილმა განაცხადა.
„ჩვენი გუნდით სრულად მობილიზებულები ვართ, რათა ყველანაირად გავაკონტროლოთ და დავიცვათ მთავრობის დადგენილი რეგულაციები.
მინდა ვთხოვო ჩვენს მომხმარებელს, თუ არ არის გადაუდებელი აუცილებლობა, თავი შეიკავონ მოლებში მისვლისგან”, – განაცხადა სოფო ელოშვილმა.