“ყოვლად მიუღებელი, გულის ამრევი, არაადამიანური საქციელი” – რას წერს გიორგი ფხაკაძე

საერთაშორისო ჯანდაცვის ექსპერტი, პროფესორი გიორგი ფხაკაძე, სოციალუე ქსელში სტატუსს აქვეყნებს და წერს:

“✅ყოვლად მიუღებელი, გულის ამრევი, არა ადამიანური საქციელი❗️
✅ჯანდაცვა უნდა იყოს რეგულირებადი❗️
✅კიდევ რა არგუმენტები გნებავთ?!
✅საუბარია მედიკამენტზე “დეპაკინი ხრონო”, რომელიც სხვადასხვა ტიპის ეპილეფსიის სამკურნალოდ ბავშვებსა და მოზრდილებში გამოიყენება. რეგულირების სააგენტომ, ფარმაცევტული კომპანიების ინსპექტირების შედეგად, დაადგინა, რომ “დეპაკინი ხრონო” (300მგ, 500მგ) კომპანიებს მარაგში აქვთ, თუმცა, სავარაუდოდ, ხელოვნური დეფიციტის შექმნის მიზნით, სააფთიაქო ქსელებში არ ხდებოდა მათი რეალიზაცია”.

ცნობისთვის, საქართველოს ჯანდაცვის სამინისტროს განცხადებით, სამედიცინო და რეგულირების სააგენტომ, ეპილეფსიის სამკურნალო პრეპარატებზე, სავარაუდო ხელოვნური დეფიციტის შექმნის ფაქტები გამოავლინა.

როგორც სამინისტრო წერს, საუბარია მედიკამენტ “დეპაკინი ხრონოზე”, რომელიც სხვადასხვა ტიპის ეპილეფსიის სამკურნალოდ ბავშვებსა და მოზრდილებში გამოიყენება.

როგორც რეგულირების სააგენტომ დაადგინა, ფარმაცევტულ კომპანიებს აღნიშნული მედიკამენტი მარაგში ჰქონდათ, თუმცა, სავარაუდოდ, ხელოვნური დეფიციტის შექმნის მიზნით, სააფთიაქო ქსელებში არ ხდებოდა მათი რეალიზება.