დღეს, 14 ივლისს, დიდი დიდი ქართველების – ქაქუცა ჩოლოყაშვილისა და ნოდარ დუმბაძის – დაბადების დღეა.
ქაქუჩა ჩოლოყაშვილი 1888 წელს მატანში დაიბადა.
მონაწილეობდა პირველ მსოფლიო ომში.
1922—1924 წლებში ხელმძღვანელობდა პარტიზანულ ბრძოლას საბჭოთა ოკუპაციის წინააღმდეგ.
1924 წლის აჯანყების შემდეგ ჩოლოყაშვილი იძულებული გახდა, ემიგრაციაში გაქცეულიყო.
ის 1930 წელს გარდაიცვალა. 2005 წელს ქაქუცა ჩოლოყაშვილის ნეშტი ლევილიდან მთაწმინდის პანთეონში გადმოასვენეს.
მას საქართველოს მესამე პრეზიდენტმა, მიხეილ სააკაშვილმა ეროვნული გმირის წოდება მიანიჭა.
როგორც ზემოთ აღვნიშნეთ, დღეს ასევე იუბილარია ქართველი მწერალი ნოდარ დუმბაძე.
ის 1928 წელს თბილისში დაიბადა. დუმბაძე გურული გახლდათ.
ნოდარის მამა საბჭოთა რეპრესიებისას, 1937 წელს, დახვრიტეს, დედა კი გადაასახლეს.
დუმბაძე გამოირჩეოდა იშვიათი იუმორით. მის ნაწარმოებებში, იუმორთან ერთად, ჩანს სევდა.
ნოდარ დუმბაძის კალამს ეკუთვნის რომანები – „მე, ბებია, ილიკო და ილარიონი“, „მე ვხედავ მზეს“, „მზიანი ღამე“, „ნუ გეშინია, დედა!“, „თეთრი ბაირაღები“, „მარადისობის კანონი“.
ასევე მოთხრობები: „ჰელადოს“, „კუკარაჩა“, ძაღლი“, „მზე“, ბოშები“ და სხვ.
ნოდარ დუმბაძე 1984 წელს თბილისში გარდაიცვალა.