„მაგთიკომი“ საგანგებო განცხადებას ავრცელებს.
კომპანია სოციალურ ქსელში გავრცელებულ ყალბ ინფორმაციას ეხმაურება და მომხმარებლებს მიმართავს.
„მომხმარებელთა საყურადღებოდ! ინტერნეტში ან სოციალურ ქსელებში შესაძლოა, შეგხვდეთ ცრუ ინფორმაცია, რომელშიც „მაგთიკომის“ სახელით გთავაზობენ დასაქმებას. ინფორმაცია არ შეესაბამება სიმართლეს! გაფრთხილებთ, რომ ეს თაღლითობის მცდელობაა. გთხოვთ, გამოიჩინოთ სიფრთხილე და არ ენდოთ უცხო წყაროებს გადამოწმების გარეშე! გაითვალისწინეთ, რომ ინფორმაცია „მაგთიკომში“ დასაქმების, აქციების, შეთავაზებებისა თუ კონკურსების შესახებ ყოველთვის ვრცელდება მხოლოდ ჩვენი ვებგვერდის საშუალებით,“ – აღნიშნულია განცხადებაში.