ხვიჩა კვარაცხელიას შესახებ Radio Kiss Kiss Napoli-სთან მისმა ერთ-ერთმა აგენტმა ჯენარო დი ნარდომ ისაუბრა, რომელმაც ქართველის „ნაპოლიში“ ტრანსფერზე იმუშავა.
„მას უყვარს იტალიური სამზარეულო, თუმცა, ასევე ხშირად რეკომენდაციას უწევს თავისი ქვეყნის სამზარეულოს, რომელიც მართლაც შესანიშნავია. მას უყვარს ზღვა, ნეაპოლის ერთი რაიონი, განსაკუთრებით პოზილიპო. მოხიბლულია მისი პანორამით და ჩვენი ქალაქით. რაც დრო გადის, უფრო მეტად ახერხებს ნეაპოლთან ინტეგრირებას, ის მშვიდი ბიჭია და იცის, რას აკეთებს“, – თქვა დი ნარდომ.