ბათუმში მამამ 13 წლის გოგო გააუპატიურა. ფაქტის შესახებ მეზობლებმა მედიას აცნობეს. ამ ეტაპზე, მოზარდს ექსპერტიზა უტარდება. საქმეში ფსიქოლოგია ჩართული. ჩვენი ინფორმაციით, 40 წლამდე კაცი გუშინ დააკავეს. იგი წარსულში ნასამართლევია. მან საპატიმრო რამდენიმე თვის წინ დატოვა.
მოზარდის ბებია უარყოფს გაუპატიურების ფაქტს, თუმცა არ უარყოფს, რომ მოზარდს მამასთან ცუდი ურთიერთობა ჰქონდა, რადგან მამა ალკოჰოლდამოკიდებული იყო.
ბებია ამბობს, რომ სახლში არ იმყოფებოდა, შესაბამისად, დეტალებზე ვერ საუბრობს.
„დარწმუნებული ვარ, არ არსებობს ასეთი რამ. ჩხუბისგან სულ გოგოებს იცავდა, სულ ჩხუბობდა. წარმოიდგინეთ, თავის შვილს შეურაცხყოფას მიაყენებდა? მაგას და მამამისს ცუდი ურთიერთობა ჰქონდათ, ეგ ვერ იტანდა მამამისი რომ სუნავდა აცეტონს და რაღაცას,“ – აცხადებს ბებია.
„კურიერი“ ესაუბრა არასამთავრობო ორგანიზაციის წარმომადგენელს, რომლის ბენეფიციარიც მოზარდი დაახლოებით 6 თვის განმავლობაში იყო, მათი ინფორმაციით 13 წლის მოზარდი უკვე ექსპერტიზაზე ჰყავთ გადაყვანილი.