წყნეთში, დენის დარტყმის შედეგად გარდაცვლილი 15 წლის ბიჭის დათუნა ჟღენტის სიცოცხლე, სავარაუდოდ კუსტარულად გაყვანილმა ელექტროსადენმა იმსხვერპლა. სადენი, სავარაუდოდ, მოქალაქეებმა თვითნებურად, გარე განათების ბოძიდან ფანჩატურში გადაიყვანეს.
ადგილობრივი მცხოვრები სალომე კაპანაძე აცხადებს, რომ ტერიტორიაზე მიმდინარე სკვერის სამშენებლო სამუშაოებს ტრაგედიასთან კავშირი არ აქვს და ახალგაზრდა სადენებს თვითონ შეეხო.
„პარკის მშენებლობა არანაირ კავშირში არ არის იმასთან, რაც მოხდა. ეს შეიძლებოდა მომხდარიყო ერთი თვით ადრეც, იმიტომ, რომ სადენების გამტარუნარიანობა, ხშირი წვიმის დროს, შესუსტებული იყო. როგორც თვით მხილველები ამბობენ, ბიჭი კალათბურთელი იყო, ახტა და შეეხო სადენებს და ასეთი ტრაგედია დატრიალდა“ – სალომე კაპანაძემ
ცნობისთვის, შინაგან საქმეთა სამინისტრომ, საქმეზე გამოძიება, სისხლის სამართლის კოდექსის 240-ე მუხლით დაიწყო, რაც სამთო, სამშენებლო, ან სხვა სამუშაოს წარმოებისას უსაფრთხოების წესის დარღვევას გულისხმობს.