გაეროს მსოფლიო მეტეოროლოგიური ორგანიზაციის ცნობით, მსოლიოს გვალვა ემუქრება.
ექსპერტების აზრით, ელ-ნინიოს კლიმატური ფენომენი, რომელიც გლობალური ტემპერატურის მატებას იწვევს, უკვე დაწყებულია.
სპეციალისტები ქვეყნებს მოუწოდებენ, ადამიანის ჯანმრთელობასა და სურსათის უსაფრთხოებაზე შესაძლო შედეგებისთვის მოემზადონ. მათი მტკიცებით, ამინდის ამ ფენომენის მოქმედება მთელი 2023 წლის განმავლობაში გაგრძელდება და 2024 წლის ნაწილსაც მოიცავს.
შეგახსენებთ, ელ-ნინიო იწვევს ტემპერატურის მატებას და გვალვას ან ძლიერ წვიმას მსოფლიოს ზოგიერთ ნაწილში. ის ხდება საშუალოდ 5-7 წელიწადში ერთხელ და დაახლოებით ერთი წელი გრძელდება.