არასამთავრობო ორგანიზაცია „ფლანგვის დეტექტორის“ ინფორმაციით, თბილისის უფასო სასადილოებში თითო ბენეფიციარის დღიურ კვებაზე მხოლოდ 1 ლარი და 70 თეთრია გამოყოფილი. უფასო სასადილოებით თბილისში 42 ათასზე მეტი ადამიანი სარგებლობს, სახელმწიფომ კი სიღარიბის ზღვარს ქვემოთ მყოფი მოქალაქეებისთვის ინფლაცია მხოლოდ 40 თეთრიანი მატებით დააბალანსა. გასულ წელს თითო ბენეფიციარზე დღიური კვებისთვის 1 ლარი და 30 თეთრი იყო გამოყოფილი.
„ეს ყველაფერი არაა – საჭმელი ხშირად იმდენად ცუდია, რომ ადამიანებს სასადილოდან მხოლოდ უფასო პური გააქვთ“, -აღნიშნულია ორგანიზაციის მიერ გამოქვეყნებულ პოსტში.