“თითო გადათვალიერება დღეში მინიმუმ სამ საშინელებას შეიცავს…” – რას წერს ნათია ფანჯიკიძე

თითო გადათვალიერება დღეში მინიმუმ სამ საშინელებას შეიცავს – ამის შესახებ ფსიქოლოგი ნათია ფანჯიკიძე სოციალურ ქსელში წერს.

“ბოლო დროს ძალიან ცოტა დროს ვუთმობ ფბ-ს და ესეც კი საკმარისზე მეტია – თითო გადათვალიერება დღეში მინიმუმ სამ საშინელებას შეიცავს: 9 წლის ბავშვი წიხლებით სცემა მამინაცვლის ძმამ, მერე სახლში წაიყვანა და იქ მთელმა ოჯახმა გააგრძელა ბავშვის წამება.. 16 წლის მოზარდი ზღვაში დაახრჩო ვიღაც ცხოველმა. ოთხი მოზარდის დახრჩობა უნდოდა, მაგრამ სამმა რაღაცნაირად გამოცურა. მეორე წელია ლგბტქ ადამიანები თავიანთი შეკრების მოსაწყობად არანაირ ქუჩაში მსვლელობას არ აწყობენ, არამედ დახურულ სივრცეში ქირაობენ ფართს. მეორე წელია დახურულ შენობაში მყოფ ადამიანებსაც კი თავს ესხმიან და ფიზიკური განადგურების რისკის ქვეშ აქცევენ, პოლიციას კი წყლის ჭავლი, ან მისი გამოყენების სურვილი რატომღაც არ გააჩნია, რომ მორიგ ტრაგედიას ავცდეთ.
რა გითხრათ აბა?”