ვერძი
სახლში ყოფნისა და მშვიდი დასვენებისთვის ხელსაყრელი დღეა. თუ ხმაურიან წვეულებაზე დასწრებას გეგმავთ, მოულოდნელობებისთვის უნდა მოემზადოთ. სუფთა ჰაერზე სეირნობა სტრესის მოხსნაში დაგეხმარებათ.
კურო
ამ დღეს ნებისმიერი წვრილმანი გაღიზიანებთ და დაუფიქრებელი მოქმედებისკენ გიბიძგებთ. როგორი ძნელიც არ უნდა იყოს, ეცადეთ, უარყოფითი ემოციები მოთოკოთ დ სიმშვიდე შეინარჩუნოთ. მოძრაობა და ფიზიკური მუშაობა ბნელი ფიქრებისგან გაგათავისუფლებთ.
ტყუპები
თავს მხნედ და ენერგიულად გრძნობთ, რაც საშუალებას მოგცემთ, ეს დღე ნაყოფიერად გაატაროთ. გირჩევთ, ახალი პროექტის დაწყებამდე დიდი ხნის წინ თაროებზე შემოდებული საქმეები დაასრულოთ. ნუ ეცდებით სხვა ადამიანების ქცევა შეცვალოთ, თორემ დროს და ენერგიას ტყუილად დახარჯავთ.
კირჩხიბი
ეცადეთ, ურთიერთობაში მეტი ტაქტი და მოქნილობა გამოიჩინოთ და, რაც მთავარია, კონფლიქტურ სიტუაციებს ერიდოთ. ამ დღეს მეორეხარისხოვანი თემები უნდა დაივიწყოთ და მთელი ყურადღება მთავარ საკითხებზე გადაიტანოთ. ვარსკვლავები გირჩევენ, კარგად გამოიძინოთ და დაძაბული დღისთვის მოემზადოთ.
ლომი
ჯერჯერობით რადიკალური ცვლილებების დრო არ დამდგარა, ამიტომ ახალი საქმის დაწყებისგან მომავალ კვირამდე თავი უნდა შეიკავოთ. დროა, სახლში ძირფესვიანი დასუფთავება მოაწყოთ და უსარგებლო ნივთებისგან გათავისუფლდეთ. ეცადეთ, საოჯახო საქმეებში მთელი ოჯახი ჩართოთ.
ქალწული
დღის პირველ ნახევარში მნიშვნელოვანი საქმის დასრულებას შეძლებთ. ენერგიით სავსე ხართ და ცდილობთ, საყოფაცხოვრებო პრობლემებს გაუმკლავდეთ. ნუ გამოიჩენთ ინიციატივას იქ, სადაც დახმარებას არავინ გთხოვთ. ეცადეთ, პირად ურთიერთობებში მეტი იაქტიუროთ და პოზიტიურად იფიქროთ.
სასწორი
ფინანსური პრობლემების ან ფულთან დაკავშირებული საკითხების მოგვარებისთვის არახელსაყრელი დღეა. ყურადღებით იყავით – ერთ შეცდომას შეიძლება დიდი ფინანსური დანაკარგი მოჰყვეს. მოერიდეთ ურთიერთობების გარკვევას და მტკივნეულ თემებზე კამათს. დღის მეორე ნახევარში გამონახეთ დრო საყვარელი საქმეებისა და ადამიანებისთვის.
მორიელი
გირჩევთ, ეს დღე სახლში, ახლობელი ადამიანების გარემოცვაში გაატაროთ და მომავალ სამუშაო კვირამდე დადებითი ენერგიით დაიმუხტოთ. ეცადეთ, საყოფაცხოვრებო საქმეებისთვის დრო გამონახოთ. სახლის დასუფთავება და ნივთების მოწესრიგება სიმშვიდის პოვნაში დაგეხმარებათ.
მშვილდოსანი
მშვილდოსანებისთვის წარმატებული დღეა, რომელმაც შესაძლოა, ძალიან მოგებიანი შეთავაზება ან დაუგეგმავი შემოსავალი მოგიტანოთ. გირჩევთ მეტი იაქტიუროთ და საკუთარი ოცნებისკენ თუნდაც რამდენიმე ნაბიჯი გადადგათ. მოერიდეთ გადაღლას, რომელიც თქვენს ჯანმრთელობაზე უარყოფითად აისახება.
თხის რქა
მიზნის მისაღწევად გარშემო მყოფებზე ზეწოლას და აგრესიულად მოქმედებას უნდა მოერიდოთ, რადგან ეს საპირისპირო შედეგს მოგიტანთ. ახლობელ ადამიანებს თქვენი რჩევა და მხარდაჭერა სჭირდებათ, ამიტომ მათთვის მეტი დრო უნდა გამონახოთ. გირჩევთ, საკუთარი გეგმები საიდუმლოდ შეინახოთ, ყოველ შემთხვევაში, რამდენიმე დღე მაინც.
მერწყული
აქტიური და ნაყოფიერი დღეა. ვარსკვლავების განლაგება სასურველი შედეგის მიღებაში დაგეხმარებათ, თუმცა კონკურენტების მოგერიება მაინც მოგიწევთ. ნუ გარისკავთ, ამ დღეს მუშაობის კარგად ნაცნობი მეთოდები უნდა გამოიყენოთ. არ გასცეთ დაპირებები – მათი შესრულება გაგიჭირდებათ.
თევზები
სცადეთ რაღაც ახალი და განსხვავებული საქმე დაიწყოთ – პლანეტების განლაგება წარმატებას გპირდებათ და ეს შესაძლებლობა უნდა გამოიყენოთ. ეცადეთ ფინანსურ საკითხებში მეტი სიფრთხილე გამოიჩინოთ. მალე გაუთვალისწინებელი ხარჯები გელით, ამიტომ მეტი ხელმომჭირნეობა უნდა გამოიჩინოთ.