37 წლის თემურ სხირტლაძე, რომელსაც ოჯახი და სამართალდამცავი უწყება 15 ივნისიდან ეძებდა, გარდაცვლილი იპოვეს.
ოჯახის წევრის ინფორმაციით, კაცი მშობლების საფლავთან გუშინ ნახეს გარდაცვლილი.
„ჩემი თემურიკა აღარ არის… ავჭალის სასაფლაოზე, თავის დედიკოს და მამიკოს საფლავიდან ორას მეტრში ვიპოვეთ გარდაცვლილი. გვაპატიე, რომ შენს გვერდით ვერ აღმოვჩნდით, გული მიჩერდება, რომ ვფიქრობ, იქნებ ერთ სიტყვას, ერთ ზარს, ერთ ჩახუტებას გადაერჩინე… ახლა ყველაფერმა დაკარგა აზრი… ისევ შევხვდებით სადმე, ოდესმე, ცისარტყელაზე …. მენანები ასეთი დასასრულისთვის სხირტლა“ – წერს გარდაცვლილის ახლობელი სოციალურ ქსელში