ასტროლოგები მიმდინარე კვირისთვის ასახლებენ, რომელი დღეები იქნება წარმატებული და როდის უნდა ვიყოთ შედარებით ფრთხილად:
26 ივნისი
ამ დღეს ძალიან მნიშვნელოვანია, რომ საკუთარ ინტუიციას ენდოთ და ის გააკეთოთ, რასაც გონება გიკარნახებთ. ასტროლოგების თქმით, ეს დღე გამორჩეულია იმით, რომ თითოეული ადამიანი სამყაროსაგან პატარა მინიშნებას მიიღებს, რის შემდეგაც მიხვდება, რას აკეთებს სწორად და რა მიმართულებით უნდა შეცვალოს სტრატეგია. შესაძლოა, ეს დიდი ცვლილებების, წარსულთან სამუდამოდ დამშვიდობებისა და ცხოვრების განახლების პერიოდი იყოს.
27 ივნისი
ეს დღე შემოქმედებითი იდეების რეალიზებისთვის შესანიშნავია. ასტროლოგების თქმით, თუკი ახალ საქმეს, პროექტს წამოიწყებთ, დაგეგმავთ საკუთარ მიზნებს და ჩამოწერთ იმასაც, რისი განხორციელება გსურთ სამომავლოდ, სამყარო მხარს დაგიჭერთ და იღბალსა და წარმატებას ნახავთ.
28 ივნისი
ამ დღეს შესაძლოა, გარკვეული დაბრკოლებები შეგხვდეთ, ყველაფერი ისე არ წავიდეს, როგორც გინდოდათ და გეგმავდით, მაგრამ ამავდროულად, მნიშვნელოვანი ეტაპი იქნება იმისათვის, რომ გავაანალიზოთ, რამდენად გვაძლიერებს რთული დღეები. მიუხედავად განცდილი მარცხებისა და იმედგაცრუებებისა, ყველა დაბრკოლებით სავსე დღე რაღაცას გვასწავლის და პიროვნულ ზრდაში გვეხმარება.
29 ივნისი
ეს დღე ახლობლებთან და მეგობრებთან ერთად გაატარეთ და მათ პატარ-პატარა საჩუქრები მოუმზადეთ. გაცემულ სითბოს, მზრუნველობასა და ყურადღებას სამყარო აუცილებლად უკან დაგიბრუნებთ და თავადაც ბედნიერი იქნებით.
30 ივნისი
ასტროლოგების თქმით, ეს დღე ბევრ დაფარულ ინფორმაციას გაამჟღავნებს. შესაძლოა, მოულოდნელად აღმოაჩინოთ, რომ ის ადამიანები, რომლებსაც ახლობლებად თვლით და ენდობით, სულაც არ არიან სანდონი, ან კიდევ სამსახურში იყოს ისეთი ვინმე, ვინც თქვენ ზურგს უკან თქვენი იმიჯისა და რეპუტაციის შემლახავ სიტყვებს ამბობს. იყავით მშვიდად და კონფლიქტურ სიტუაციას ნუ შექმნით. მიუხედავად იმედგაცრუებისა, კარგია იმის ცოდნა, სინამდვილეში ვის უნდა ენდოთ და ვისთან უნდა იყოთ ფრთხილად.
1 ივლისი
ეს დღე ბევრი პატარა ნათელი და დადებითი ემოციით იქნება სავსე და თავს ბედნიერად იგრძნობთ. ასტროლოგების თქმით, რთული დღეების საპასუხოდ, ეს ერთგვარი საჩუქარი იქნება.
2 ივლისი
დაუთმეთ ეს დღე საკუთარ თავს. სხვა ადამიანებზე ზრუნვის პარალელურად, თქვენი თავი არ უნდა დაგავიწყდეთ. დაისვენეთ, განიტვირთეთ და შემდეგი კვირა განახლებული იდეებითა და ენერგიით დაიწყეთ.
წყარო: ბომონდი