დღეს 15 დეკემბერს თბლისში ე.წ. აფრიკის დასახლებაში შენობის დემონტაჟი დაიწყო და იქ მცხოვრები ადამიანები ქუჩაში უსახლკაროდ დარჩნენ. ამ ინფორმაციასთან ერთად სოციალურ ქსელში აქტიურად ვრცელდება ფოტო, რომელზეც მამაკაცი ბავშვთან ერთადაა გამოსახული.
საზოგადოებაში ისეთი შტაბეჭდილება შეიქმნა, რომ მათი კუთვნილი საცხოვრებელი სახლიც დაანგრია, თუმცა ირკვევა, რომ სინამდვილეში ეს მამა-შვილი იმ ტერიტორიაზე საერთოდ არ ცხოვრობს და არც მათი სახლის დემონტაჟი განხორციელებულა.
„მეგობრებო, როგორც გავარკვიე ეს მამა-შვილი ცხოვრობს აფრიკაში სუპერმარკეტ ზრაპრის უკან. ამათი სახლი არ დაუნგრევიათ. უბრალოდ იქ იყვნენ. მოკლედ, ეს ბავშვი თვითონ ჯართს აგროვებს ხოლმე, მამა მშენებლობაზე მუშაობს და არის სოციალურად დაუცველი ოჯახი“. – წერს ია ფარულავა