როდესაც განსაკუთრებით დაღლილი ხართ და ფიქრობთ, როგორ მიიღოთ მეტი ენერგია,
ძილით თუ ვარჯიშით, პირველ რიგში, უნდა იცოდეთ, წამყვანი ფაქტორები, რომლებიც დაღლილობას იწვევს (მაგალითად, სტრესი). არსებობს მთელი რიგი სხვა ფსიქოლოგიური და ფიზიოლოგიური ფაქტორები, რომლებიც ხელს უწყობენ დაღლილობას, მათ შორის, მაშინაც კი როდესაც კოფეინს მოიხმართ.
მიუხედავად მიზეზისა, არსებობს ორი საერთო პასუხი კითხვაზე, თუ როგორ უნდა მიიღოთ მეტი ენერგია, როცა დაღლილი ხართ: ხარისხიანი ძილი და ფიზიკური აქტივობა. თუმცა, მიჩნეულია, რომ ძილი უნდა იყოს პრიორიტეტი. ძილი უფრო მნიშვნელოვანია ვიდრე ვარჯიში, მეტი ენერგიის მიღებისთვის. მარტივად რომ ვთქვათ, სხეული არ ფუნქციონირებს ძილის გარეშე.ასე რომ, თუ თქვენ არ იღებთ საკმარის ძილს ცხოვრების ნებისმიერ ეტაპზე, ვარჯიში ვერ ანაზღაურებს ამ დანაკლისს. ვარჯიშის სარგებელი მნიშვნელოვნად შეზღუდულია, თუ თქვენი სხეული საკმარისად არ არის დასვენებული, რადგან ის ვერ მოახერხებს ვარჯიშის შემდეგ აღდგენას.
პირველი ნაბიჯი თქვენი ენერგიის დონის ამაღლებისკენ უნდა იყოს იმის გაგება, თუ როგორია ძილის ხარისხი და თუ დარწმუნებული ხართ, რომ კარგად გძინავთ, მაგრამ მაინც გრძნობთ დაღლილობას მთელი დღის განმავლობაში, მაშინ ვარჯიში შეიძლება იყოს საუკეთესო პასუხი კითხვაზე, თუ როგორ მიიღოთ მეტი ენერგია.
ვარჯიშს შეუძლია გაზარდოს თქვენი ენერგია მყისიერად, ამასთან ფიზიკური აქტივობისგან გამოთავისუფლებული ენდორფინები გეხმარებათ მაშინვე იგრძნოთ თავი უფრო ფხიზლად. ვარჯიში ასევე სასარგებლოა თუ ხედავთ, რომ ენერგია შუადღისკენ იკლებს და თავს არიდებთ კოფეინის მოხმარებას, განსაკუთრებით მაშინ, თუ ძილი შეუძლებელია. გრძელვადიან პერსპექტივაში, რეგულარული ვარჯიში, განსაკუთრებით აერობული ვარჯიში ზრდის უჯრედულ მეტაბოლიზმს, რაც გეხმარებათ ენერგიის გადამუშავებასა და ფორმულირებაში მთელი მოლეკულური სისტემის რაც ხელს უწყობს ენერგიის გაზრდას.
საუკეთესო გზა იმის გასაგებად, თუ რომელია ენერგიის დაქვეითებული დონის ანტიდოტი – ძილი თუ ვარჯიში – არის იმის დადგენა, იღებთ თუ არა საკმარისად ხარისხიან ძილს ყოველ ღამე (მინიმუმ შვიდი საათის განმავლობაში). თუ არ იღებთ საკმარის ძილს, უმჯობესია, პრიორიტეტი მიანიჭოთ ჩაძინებას, ვიდრე ვარჯიშს. დაახლოებით 20 წუთიანმა ძილმა შეიძლება გაგრძნობინოთ ტავი უფრო ფხიზლად, კონცენტრირებულად და პროდუქტიულად.
ხოლო თუ საკმარისად გძინავთ, მაშინ ფიზიკური აქტივობის გაზრდა გააუმჯობესებს ენერგიის დონეს მყისიერად და ხანგრძლივი პერიოდის განმავლობაში. დაღლილობის შეგრძნებისას, ოთხწუთიანი აერობიკის არჩევა ხელს შეუწყობს ორგანიზმის გამოფხიზლებას
წყარო: მკურნალი