ცნობილ მომღერალს R Kelly-ს სასამართლომ 30 წლით თავისუფლების აღკვეთა მიუსაჯა. ცნობილი ჰიტის I Believe I Can Fly-ს შემსრულებელი ციხეში მინიმუმ 84 წლის ასაკამდე იჯდება.
მომღერალს ბრალად ადამიანებით ვაჭრობა და სექსუალური ძალადობა ედება. მას სასამართლომ ასევე, ჯარიმის სახით, 100 ათასი აშშ დოლარის გადახდა დააკისრა.
54 წლის მომღერალი ბრალდებულია, საკუთარი დაცვის თანამშრომლებსა და მენეჯერებთან ერთად ჯგუფის შექმნაში, რომელიც არასრულწლოვან გოგოებს პროსტიტუციას აიძულებდა.
ასევე, მომღერალს ბრალად ედება ყალბი დოკუმენტების დამზადება, რეკეტი, ქალებისა და მოზარდების გაუპატიურებები, რომლებიც ათწლეულების განმავლობაში გრძელდებოდა.
მუსიკოსის ადვოკატის განცხადებით, რობერტ კელლი ბავშვობაში თავად იყო სექსუალური ძალადობის მსხვერპლი, რაც შემდგომ მისი დაცვის ქვეშ მყოფის ჰიპერსექსუალობაში გამოიხატა, რომელსაც ბრალდებული ვერ აკონტროლებდა.
174 სულ ნახვები
კომენტარები
0 კომენტარები
