ქართველმა მსახიობმა, გიორგი გურგულიამ „მიქსმეტრონომთან“ ინტერვიუსას კითხვაზე არის თუ არა დაცული საქართელოში ქალთა უფლებები შემდეგი პასუხი გაგვცა:
„მცდელობებია რა. თავის დროზე, რომ დაიწყეს გამკაცრება ოჯახური ძალადობის და ნახევარი საქართველო ციხეში ჩასვეს, ვიძახდი, რომ ეს კარგს არაფერს მოიტანდა. ქართველები მაინც სხვანაირი ერი ვართ, ჩვენს ერს სხვანაირი მიდგომა უნდა. ყველაფერში ქალი ვერ იქნება მართალი.“
მისი თქმით ძალადობის ყველა საქმეს ყურადღებიანი მიდგომა და გულმოდგინედ არჩევა სჭირდება. სწორედ კანონის გამკაცრებამ გამოიწვია უფრო დიდი აგრესია და გახდა ქუჩაში მკვლელობების მიზეზი.
„ქალი რომ კაცს დააბეზღებს, შემდეგ კაცი დაარტყავს და ციხეში წავა, არ წარმომიდგენია ასეთი ოჯახი როგორ უნდა აღდგეს, ამაზე არავინ არ ფიქრობს. სანამ რადიკალურ ზომებამდე მივლენ იქნებ რაღაცნაირად მორიგდნენ. ფსიქიკურად ნორმალურად არ მგონია ის ადამიანი ვინც შვილის წინ ცოლს დაარტყავს. ვინ არის დასაჭერი და ვინ არის გასარიდებელი ძალიან ფაქიზი საკითხია. არ შეიძლება ერთი ხელის მოქნევით ყველა ერთ ქვაბში ჩაყარო. მე ასე მგონია“