ჯანდაცვის სამინისტროს ინფორმაციით, კორონავირუსის ახალი შემთხვევების რაოდენობა, ინციდენტობა, დადებითობის მაჩვენებელი, გარდაცვალების შემთხვევები ყოველკვირეულად შეჯამდება და კვირაში ერთხელ, ყოველ სამშაბათს გამოქვეყნდება.
უწყების ცნობით, დღეიდან პირბადე მხოლოდ აფთიაქებში, სამედიცინო დაწესებულებებსა და საზოგადოებრივ ტრანსპორტში იქნება სავალდებულო
„პირბადე მხოლოდ აფთიაქებში, სამედიცინო დაწესებულებებსა და საზოგადოებრივ ტრანსპორტში იქნება სავალდებულო 2 მაისიდან, პირბადის გამოყენება, მხოლოდ სამედიცინო დაწესებულებებში, აფთიაქებში, მეტროში, ავტობუსებსა და მიკროავტობუსებში იქნება სავალდებულო.
გადაწყვეტილება, ჯანდაცვის სამინისტროსა და დაავადებათა კონტროლის ცენტრის სპეციალისტებმა, ინფიცირების შემთხვევების სტაბილურად კლებადი მაჩვენებლიდან გამომდინარე მიიღეს – დღიურად, ვლინდება, საშუალოდ, 100-150 შემთხვევა და ერთეულია, ან საერთოდ არ ფიქსირდება გარდაცვალების დღიური შემთხვევები.
ცვლილება შეეხება სტატისტიკური მონაცემების გამოქვეყნების წესსაც – ახალი შემთხვევების რაოდენობა, ინციდენტობა, დადებითობის მაჩვენებელი, გარდაცვალების შემთხვევები ყოველკვირეულად შეჯამდება და კვირაში ერთხელ, ყოველ სამშაბათს გამოქვეყნდება“,- აღნიშნულია განცხადებაში.
აღნიშნულ ინფრომაციას “აკრედიტაცია საზღვრების გარეშე” პრეზიდენტი, პროფესორი გიორგი ფხაკაძე სოციალურ ქსელში ეხმაურება:
“ტაში…
ტესტირება – არა,
სტატისტიკა – არა,
პირბადე – არა…
კოვიდი საქართველოში არ არის!
ესენი აშკარად დაბოლილები არიან, მეგონა, მიწისძვრა გამოაფხიზლებდათ, მაგრამ სულ “შექანანდნენ”. სხვა ახსნას ვერ ვპოულიბ… თქვენ რას ფიქრობთ?!
ჯანმრთელობას გისურვებთ…”, – წერს ფხაკაძე “ფეისბუქი”-ს პირად გვერდზე.
721 სულ ნახვები
კომენტარები
0 კომენტარები
