“29 რიცხვამდე ეცადეთ ყველაფერი მნიშვნელოვანი გააკეთოთ, რადგან შემდეგ დაბნელებების დერეფანი გველოდება”, – ამის შესახებ ასტროლოგმა მიხეილ ცაგარელმა ტელეკომპანია “იმედი”-ს გადაცემაში “იმედი დილა” განაცხადა.
“ყველანი იყავით ყურადღებით, რადგან ორი მნიშვნელოვანი მოვლენა გვაქვს, ჩვენ ვემზადებით მზის ორჯერ დაბნელებისთვის. ერთი, რომელიც გველოდება 30 რიცხვში, კუროს ზოდიაქოში ხდება და შემდეგ 16 რიცხვში, აქ არის მთვარის დაბნელება, რაც მორიელის ზოდიაქოში მოხდება. დაბნელებების დერეფანი ნიშნავს, გარკვეულ კოსმიური გამოცდას – სიმშვიდეზე, სტაბილურობაზე, საკუთარი ნეგატიური ცდუნებებისა და თვისებების მიმართ შინაგან კონტროლზე, დამოკიდებულება უნდა იყოს აბსოლუტურად სწორი.
29 აპრილს, პარასკევს პლუტონი, ერთ-ერთი დამანგრეველი პლანეტა, მორიელის მმართველი, 5 ოქტომბრამდე უკუმავალი, რეტროგრადული ხდება. ეს იმას ნიშნავს, რომ ცოტა მეტი სიფრთხილეა მიწისქვეშა კომუნიკაციებთან საჭირო. ნაკლები შეხება მეტროსთან, სარდაფებთან, მიწისქვეშა გადასასვლელებთან, მღვიმეებთან, გამოქვაბულებთან, რადგან მიწის ქვეშეთს მართავს პლუტონი.
ამასთან, მოიმატებს ვენერიული დავაადებების ალბათობა, ასევე, საეჭვო ინტიმური კონტაქტების ალბათობაც, რამაც შეიძლება, დამანგრეველი ელფერი შესძინოს ზოგიერთ ურთიერთობას.
ამ პერიოდში მოვერიდოთ ექსტრასენსორულ მკურნალობას. ძალიან კარგია ლოცვა და მედიტაცია”, – აღნიშნა მიხეილ ცაგარელმა “იმედი”-ს ეთერში.
8,002 სულ ნახვები
კომენტარები
0 კომენტარები
