ტელეწამყვანი გიორგი ჯაჯანიძე სოციალურ ქსელში შემდეგი სახის ჩანაწერს აქვეყნებს:
“ფრთხილად!
ყველა თავისი მეთოდით იბრძვის.
განათლება მიიღო, ბევრი წიგნი წაიკითხა, წარმატებას მიაღწია. ვერ უშველა განათლებამ, ვერც წიგნების კითხვამ, რადგან არ იყო გონიერი, ფრთხილი და წინდახედული.
განათლება ფურცელზე დაუფიქსირეს, წიგნებიც არ წაუკითხავს. წარმატებას მიაღწია გამოცდილებით, მიბაძვით და ჯიბრზე. ვერც გამოცდილებამ უშველა, ვერც შრომის მოყვარეობამ, რადგან არ იყო გონიერი, ფრთხილი და წინდახედული.
ნუ გახდი ადამიანებს შენზე დამოკიდებულს, ჩაუვარდება თუ არა მომენტი, თვალს არ დაახამხამებს ისე გაგწირავს.
ყველამ იცის, რომ ძალაუფლება დროებითია, მაგრამ ყველა ადამიანის გონი ვერ იაზრებს ამ ცოდნას.
უთვალავი მაგალითია, როგორ დაღუპა ამპარტავნებამ ადამიანი, როგორ არ შერჩა ერთი დრო არავის. როგორ ავიდა წარმატების მწვერვალზე, და რა, არაფერი…
როცა სარკეში იხედები ყოველდღე, შეუმჩნევლად გემატება ნაოჭები, შეუმჩნევლად ბერდები და კარგავ გავლენას, რატომ არ ხარ ფხიზლად და ფრთხილად? – იმიტომ, რომ ვერ შეიცანი სამყაროს კანონზომიერება და შენ თვითონ გამოჭედე შენი მომავალი.
ის, რასაც მოიპოვებ შენი არ არის.
თუ არასწორად მოიპოვე აუცილებლად წაგერთმევა, შენც და შენ მომავალ თაობასაც.
შენ რომ გინდა, იქნებ სხვასაც უნდა.
შენ რომ გტკივა სხვასაც ტკივა.
სხვას რომ უხარია შენც უნდა გიხაროდეს.
მე ვიცი სიცოცხლის საიდუმლო.
მე ვიცი სიკვდილის საიდუმლო.
ადამიანებთან ერთად ბევრი აუხდენელი ოცნებაა დამარხული სასაფლაოზე” , – წერს გიორგი ჯაჯანიძე “ფეისბუქი” – ს პირად გვერდზე.
324 სულ ნახვები
კომენტარები
0 კომენტარები
