“ტაბულას” დამფუძნებელი, ჟურნალისტი თამარ ჩერგოლეიშვილი სოციალურ ქსელში წერს, რომ გუშინ, 4 აპრილს, პარლამენტის წინ გამართული უკირაინის მხარდამჭერი აქციიდან “ნაციონალური მოძროაბის” ერთ-ერთი ლიდერი, დეპუტატი ნონა მამულაშვილი გააგდო.
“დღეს ნონა მამულაშვილი გამოცხადდა და აქციის ჰაიჯეკინგს ცდილობდა – დადგა ჩვენს ფონზე და მიშაზე ლოცვებს აღავლენდა ტელევიზია მთავარის დახმარებით. (ტრადიცია ესაა – სადაც ბევრ ხალხს დაინახავენ, დგებიან და მთავარის დახმარებით აქციას იპარავენ). ცხადია მე არ დავუშვებდი, რომ ხალხისთვის მიცემული სიტყვა დამერღვია და ეს აქცია მიშაზე აქციად მექცია და გავაგდე – როგორც უზრდელი. იმედია არ გეწყინებათ. ვისაც ეწყინება, ცივი წყალი სვით”, – წერს ჩერგოლეიშვილი “ფეისბუქი”-ს პირად გვერდზე.
თამარ ჩერგოლეიშვილის პოსტს მალევე ნონა მამულაშვილმა გამოეხმაურა, რომელმაც ე.წ. “სქრინშოტი“ გამოაქვეყნა და დაწერა:
“მიყვარს ეს ქალი, სულ მახალისებს ხოლმე. გამაგდო თურმე შუა “ჰაიჯეკინგის“ პროცესში, უსაყვარლესია”, – დაწერა მამულაშვილმა ფეისბუქზე.
ცნობისთვის, საკანონმდებლო ორგანოს წინ “ევროპული საქართველოს”, “ტაბულას” , “თავისუფლების ინსტიტუტისა“ და “ამომრჩეველთა განათლების საზოგადოების“ ორგანიზატორობით აქცია გაიმართა.
513 სულ ნახვები
კომენტარები
0 კომენტარები
