"სერაფიმე საროველია თუ ვინცხაა, იმ ოჯახდანგრეულს, პირმონგრეულს, დასაწყევლს რატომ არ უთხრა..."

რეჟისორი ქეთი დოლიძე და მწერალი ირაკლი კაკაბაძე “ჯორჯიან თაიმსის” გადაცემაში “ჩაი” რუსეთ-უკრაინის ომზე საუბრისას ერთმანეთს სიტყვიერად დაუპირისპირდნენ.

“როდესაც ის წმინდანი, (რომელსაც რუსები წმინდანად აღიქვამენ), ამბობენ, რომ რუსეთმა საქართველოზე ხელი არასდროს უნდა აღმართოს, იმიტომ, რომ არის ღვთისმშობლის წილხვედრი ქვეყანა, მე-19 საუკუნეში სერაფიმ საროველი ამბობდა, რომ ვინც საქართველოზე ხელს აწევს, ის უსასტიკესად დაისჯებაო და რას აგინებ ახლა, ამ სერაფიმ საროველს, რომელზეც არაფერი იცი, არც წაგიკითხვას…”, – მიმართა ქეთი დოლიძემ ირაკლი კაკაბაძეს.

თავის მხრივ, ირაკლი კაკაბაძემ ქეთი დოლიძის საპასუხოდ განაცხადა:

“სერაფიმ საროველი კი არა იესო ქრისტე ამბობდა, “გიყვარდეს მტერი შენი, ვითარცა თავი შენი” – აქ საუბარია იმაზეა, სერაფიმე საროველია თუ ვინცხაა ჩემო ბატონო, უთხრა პუტინს, რომ თავისივე დედაქალაქი კიევი (რუსეთი კიევიდან მოდის) იმას რატომ ბომბავს ეგ ოჯახაშენებული და ეგ ოჯახდაქცეული?! შენ გეკითხები კი არა, პუტინს ვეკითხები მაგ ოჯახდანგრეულს, მაგ პირმონგრეულს, მაგ დაწყევლილს, მაგ სერაფიმე საროველის დასაწყველს?! არ არის ჩასაქვავებელი ახლა ეგ? – სერაფიმეს მიერ, იპოლიტეს მიერ და ყველა წმინდანის მიერ?!

ხალხს ხოცავენ, თავისივე სამშობლოში ეს კაცი (პუტინი) კლავს ხალხს”, – უპასუხა კაკაბაძემ დოლიძეს.

იხილეთ ვიდეო:

https://www.facebook.com/watch?v=1931161890396995

1,181 სულ ნახვები