ჟურნალისტი ნინო ჯანგირაშვილი სოციალურ ქსელში მიმართვას ავრცელებს:
“სასწრაფოდ, მინიმუმ: უნდა დაწესდეს სავიზო რეჟიმი რუსებისთვის. უნდა გართულდეს მოქალაქეობის მიღება. უნდა გართულდეს უძრავი ქონების შეძენა – მინიმუმ მოთხოვნილ იქნას ფულის წარმომავლობის დადასტურება. დიდი მოძალებაა რუსების საქართველოსკენ. მოქალაქეები თვითონ ცდილობენ რაღაც გამოსავლების და ლოკალური ინციატივების მოფიქრებას. ეს ყველაფერი არაეფექტურია, თუ სახელმწიფომ არ იმოქმედა.
P.S. და საერთოდაც, უნდა შეიქმნას არასასურველი პერსონების სია, რომლებიც ვერასოდეს ვერ შემოვლენ საქართველოში. ყველა ქვეყანას აქვს ეგეთი სია.
მე მაქვს ვარაუდი, რატომ დაიძრა ამდენი რუსი აქეთ. ერთ–ერთი მიზეზი, ყოველ შემთხვევაში ეს არის: საქართველოს ბანკებში ძალიან ადვილია უცხოელისთვის ანგარიშის გახსნა, პლასტიკური ბარათის მიღება,სხვა ქვეყნებისგან განსხვავებით. სავარაუდოდ აქ გაიხსნება იმ რუსების ანგარიშები, ვისაც რუსეთის ბანკები აღარაფერში არგიათ. საინტერესოა, რას ფიქრობენ ამ საკითხზე ხელისუფლება და ბანკები?”, – წერს ჯანგირაშვილი “ფეისბუქი”-ს პირად გვერდზე.
უკრაინაში განვითარებული მოვლენების პარალელურად ვრცელდება ინფორმაცია, რომ სულ უფრო იზრდება საქართველოში რუსეთის მოქალაქეების შემოსვლა.
ამასთან, საქართველოში უძრავი ქონების შესაძენად რუსეთისა და ბელარუსის მოქალაქეებისა თუ ბიზნეს სექტორის წარმომადგენლების მხრიდან ინტერესი გაიზარდა. იმატებს მოთხოვნა გრძელვადიანი საიჯარო ხელშეკრულებების გაფორმებაზეც. – ინფორმაციას საქართველოს უძრავი ქონების ასოციაცია ავრცელებს.
ვებ-გვერდზე manifest.ge პეტიცია გავრცელდა, რომლის მოთხოვნაც რუსეთთან სპეციალური სავიზო რეჟიმის დაწესებაა.
https://mix.metronome.ge/26425-2/