“პირადად მის მორჩილ ძველ კადრებზე დებს ფსონს” – პატარაია სააკაშვილზე

ქალთა უფლებადამცველი ბაია პატარაია ერთიან ნაციონალურ მოძრაობაში განხორციელებულ საკადრო ცვლილებებს ეხმაურება:

“ცისკარიშვილის და ნაყოფიას დაწინაურებით ენმ-ში გამოჩნდა, რომ პარტიის განახლება შეჩერდა. სააკაშვილი მხოლოდ პირადად მის მორჩილ ძველ კადრებზე დებს ფსონს. ეს წინსვლა კი არა უკანსვლაა. ასე ოლიგარქია არ დამარცხდება. სამწუხაროდ, სხვა პარტიები ძალიან სუსტები არიან. მოკლედ, კარგს არაფერს ველი ახლო მომავალში”, – წერს პატარაია “ფეისბუქი”-ს პირად გვერდზე.

ცნობისთვის. „ნაციონალურ მოძრაობაში“ საკადრო ცვლილებები განხორციელდა. ცვლილებებს კენჭი პარტიის პოლიტსაბჭოს სხდომაზე უყარეს და მიიღეს.

ცვლილებების თანახმად, პარტიის აღმასრულებელი მდივანი, კობა ნაყოფია პოლიტსაბჭოს თავმჯდომარე გახდა. ამ პოსტს მანამდე ნიკა მელია ითავსებდა; გენერალური მდივნის პოსტი კი – პარტიის პეტრე ცისკარიშვილმა დაიკავა.

ნიკა მელიამ კი თბილისის რაიონული ორგანიზაციის თავმჯდომარის პოსტზე ზაალ უდუმაშვილი ჩაანაცვლა.

 585 სულ ნახვები

კომენტარები

0 კომენტარები