“პატრიოტთა ალიანსის“ ლიდერი, ირმა ინაშვილი, რომლის ძმაც, ჟურნალისტი, კოტე ინაშვილი რამდენიმე დღის წინ, ტრაგიკულ შემთხვევას ემსხვერპლა, სოციალურ ქსელში ემოციურ პოსტს აქვეყნებს და საზოგადოებას თანადგომისთვის მადლობას უხდის.
“აქამდე მეგონა, რომ ვიცი, რა არის ფიზიკური ტკივილი… ვიცი, რა არის სულიერი ტკივილი… ვიცი, რა არის სულიერი და ფიზიკური ტკივილი – ერთად, მაგრამ… არაფერიც არ მცოდნია ტკივილზე – გულსა და სულში გახურებულ კოცონზე, რომელსაც ახალგაზრდა ძმის დაკარგვა ჰქვია. ახლა მეც იმათ რიგებში ვარ, ვისთვისაც ეს კოცონი აღარასდროს ჩაქრება.
უდიდეს მადლობას გიხდით თითოეულ თქვენგანს, ასეთი დიდი, ქრისტიანული, ქართული, თანადგომისთვის. ღმერთმა დაგლოცოთ, ულევი სიხარული და სიკეთე მოგცეთ! შემაძლებინოს ღმერთმა, რომ თქვენს უზარმაზარ თანაგრძნობას სიკეთით ვუპასუხო”, – წერს ინაშვილი “ფეისბუქის” პირად გვერდზე.
971 სულ ნახვები
კომენტარები
0 კომენტარები
