ჟურნალისტი თეონა გეგელია “ქართული ოცნების” თავმჯდომარის ირაკლი კობახიძის იმ განცხადებას ეხმაურება, როდესაც მან გიორგი გახარიას კოკაინის მომხმარებელი უწოდა:
“ამას ძალიან მოხვდება პირადად ქართველი ერისგან, რომელსაც თავისი უგუნურობით უკვე ყოველდღე შურაცხყოფას აყენებს. პრინციპში აქამდეც მოხვდებოდა, ერთხელ მაინც რომ ეყარა სადმე კენჭი. მმართველი პარტიის თავმჯდომარე ჰქვია და არცერთ არჩევნებში, არასდროს პერსონალურად არ მონაწილეობდა. თავისი თაობის ტიპური პოლიტიკური პარაზიტია, გამოჩენილი „არავინ“, – წერს თეონა გეგელია სოციალურ ქსელში.
ცნობისთვის, ავსტრიაში ნარკოტესტირების ჩატარების მიუხედავად, პარტია „ქართული ოცნების” თავმჯდომარე ირაკლი კობახიძემ ექს-პრემიერს, პარტია “საქართველოსთვის” ლიდერს, გიორგი გახარიას კვლავ კოკაინის მომხმარებელი უწოდა. მისი მტკიცებით, „ქართული ოცნების” ხელისუფლებაში ყოფნის დროს გიორგი გახარია კოკაინს არ მოიხმარდა და ეს პრობლემა მას ბოლო პერიოდის განმავლობაში გაუჩნდა.
„ეს პრობლემა მას არ ჰქონია, მაშინ, იმ დროისათვის („ქართული ოცნების” ხელისუფლებაში ყოფნის დროს). ეს პრობლემა მას გაუჩნდა ბოლო პერიოდის განმავლობაში. შეგვიძლია, გავიხსენოთ ძალიან მარტივი გამონათქვამი: „ხარი ხართან დააბი და ა.შ.“
როდესაც ის თავისი საქმიანობით და ქმედებებით დაუკავშირდა კონკრეტულ პოლიტიკურ ძალას, რომელსაც აქვს ძალიან მჭიდრო შეხება კონკრეტულად კოკაინთან, არა მარტო ნარკოტიკებთან.
კონკრეტულმა ადამიანებმა მიუტანეს მას ეს ნარკოტიკული საშუალება და ეს ადამიანები ძალიან საეჭვო კავშირებთან არიან მხილებულები. როდესაც ნიკა მელიას გამო გადადგები, ამის შემდეგ არაფერი არ უნდა გაგიკვირდეს”, – განაცხადა კობახიძემ.
637 სულ ნახვები
კომენტარები
0 კომენტარები
