ლეგენდარულმა ქართველმა ძალოსანმა, რიო-2016 წლის ოლიმპიური თამაშების და 4-გზის მსოფლიო ჩემპიონმა ლაშა ტალახაძემ ორივე მოძრაობაში პირველი იყო და მან მეორედ მოიპოვა ოლიმპიური თამაშების ოქროს მედალი.
გამარჯვება, რომელსაც ყველა ველოდით, ვულოცავ ლაშა ტალახაძეს და სრულიად საქართველოს, – წერს საქართველოს პრემიერ-მინისტრი ირაკლი ღარიბაშვილი სოციალურ ქსელში.
„გამარჯვება, რომელსაც ყველა ველოდით!
მსოფლიო სპორტის ლეგენდა ლაშა ტალახაძე, უკვე მეორედ, ოლიმპიური ჩემპიონია და დაამყარა მსოფლიოს ორი ახალი რეკორდი!
ვულოცავ ლაშას და სრულიად საქართველოს!“ – წერია ირაკლი ღარიბაშვილის გვერდზე „ფეისბუქში“.
ამასთან, საქართველოს მთავრობის მეთაურმა ლაშა ტალახაძეს გამარჯვება ტელეფონით მიულოცა.
იხილეთ ვიდეო:
+109 კგ. წონით კატეგორიაში ტოკიოს ოლიმპიური თამაშების გამარჯვებული გახდა. 27 წლის ქართველისთვის ეს რიგით მეორე ოლიმპიური ოქროა.
ტალახაძემ 3 მსოფლიო რეკორდი დაამყარა – ატაცში მან 223 კილოგრამი ასწია, რაც ახალი მსოფლიო რეკორდია. აკვრაში ქართველმა სპორტსმენმა 265 კილოგრამი დაძლია და ამ კუთხითაც ახალი მსოფლიო რეკორდი დაამყარა. ამასთან, მან ორჭიდში 488 კილოგრამი დააგროვა, რითაც თავისივე მსოფლიო რეკორდი გააუმჯობესა.
431 სულ ნახვები
კომენტარები
0 კომენტარები
