გიორგი სანაიას მკვლელობიდან 20 წელი გავიდა. 2001 წლის 26 ივლისს “რუსთავი 2”-ის ჟურნალისტი საკუთარ სახლში, გაურკვეველ ვითარებაში, გარდაცვლილი იპოვეს.
ტრაგიკულ დღესთან დაკავშირებით გიორგი სანაის ძმა, ჟურნალისტი ვახო სანაია “ფეისბუქის” პირად გვერდზე წერს:
“კიდევ ერთი 26 ივლისი მოვიდა. ყველაზე მძიმე დღე ჩვენი ოჯახისთვის. გიორგის მკვლელობის დღე. 20 წელი გავიდა.
სამწუხაროდ, ვერ გავალ საფლავზე, რადგან გიორგის გვერდით რამდენიმე თვის წინ მამაჩემი დავკრძალეთ, რომლის სიკვდილს ვერაფრით შევეგუე. ვიცი, საშინელებაა, მაგრამ მას შემდეგ ვერ მივდივარ იქ. ვერ ვიპოვე ძალები. ალბათ ოდესმე შევძლებ,” – წერს სანაია სოციალურ ქსელში.
გიორგი სანაია “რუსთავი 2”-ში 1999 წლიდან მუშაობდა. იყო ჟურნალისტი და “ღამის კურიერის” წამყვანი.
111 სულ ნახვები
კომენტარები
0 კომენტარები
