დიდი ბრიტანეთის ჯანდაცვის მინისტრის გადადგომას სოციალურ ქსელში ფოტოხელოვანი გოგა ჩანადირი ეხმაურება:
“წარმოიდგინეთ, გაერთიანებული სამეფოს ჯანდაცვის მინისტრის მეთ ჰენკოკის პასუხისმგებლობა – ის თანამდებობიდან გადადგა მხოლოდ იმიტომ, რომ მკაცრი კოვიდშეზღუდვების დროს, თანაშემწესთან სოციალური მანძილი არ დაიცვა…
აწ უკვე ყოფილმა მინისტრმა ათასი ბოდიში მოუხადა საზოგადოებასა და ოჯახს. საერთოდ, ის ქვეყნები არიან ძლიერები, სადაც პასუხისმგებლობა პასუხისმგებლობას ჰგავს.“- წერს ჩანადირი “ფეისბუქის” პირად გვერდზე.
ცნობისთვის, დიდი ბრიტანეთის ჯანდაცვის მინისტრი თანამდებობიდან გადადგა. ამის შესახებ ინფორმაციას „ბიბისი“ ავრცელებს.
მეთ ჰენკოკის გადადგომის მიზეზი ჯანდაცვის სამინისტროს თანამშრომელთან გადაღებული ფოტო გახდა, რომელიც გამომცემლობა The Sun-ში გამოქვეყნდა. ფოტოზე ჯანდაცვის მინისტრისა და ჯინა კოლადანჯელოს კოცნაა ასახული. მინისტრს სოციალური დისტანციის დარღვევაში დასდეს ბრალი.
გამომცემლობის ცნობით, ფოტო მაშინ არის გადაღებული, როდესაც ქვეყანაში პანდემიის გამო დაწესებული მკაცრი შეზღუდვები მოქმედებდა.
მოგვიანებით, მეთ ჰენკოკმა სოციალურ ქსელში ბოდიში მოიხადა მითითებების დარღვევის გამო. მან ასევე საკუთარ ოჯახის წევრებს და ახლობლებსაც მოუბოდიშა.
მეთ ჰენკოკის გადადგომას ბრიტანეთის პრემიერი ბორის ჯონსონი გამოეხმაურა და განაცხადა, რომ მან სამინისტრო თავაწეულმა უნდა დატოვოს, არამარტო პანდემიასთან ბრძოლის გამო, არამედ პანდემიამდე განხორციელებული.
25 სულ ნახვები
კომენტარები
0 კომენტარები
