რესპუბლიკური პარტიის დამფუძნებელი, პოლიტიკოსი და ფილოლოგი ლევან ბერძენიშვილი სოციალურ ქსელში პოსტს კოვიდვაქცინას უძღვნის. ამჯერად, პოლიტიკოსი ასტრა-ზენეკას ვაქცინის პოპულარიზაციას ლექსით ეწევა, რომელიც facebook-ში აცრამდე ერთი დღით ადრე გამოაქვეყნა.
ლევანის ფიქრები, ოდეს გზაჲ იგი ვაქცინაციისაჲ განვლო
ბევრი ვიკითხე და ამატირა
უსაყვარლესმა ჩემმა ოვიდმა,
ადრე კაგებემ დამაპატიმრა,
დამაპატიმრა ახლა კოვიდმა.
მითარგმნია ევრიპიდე,
მითარგმნია სენეკა
და მფარველად მომევლინა
ახლა ასტრა-ზენეკა!
დღეს ლევანი მაგარია,
დღეს ლევანი კაცია,
გაიარეთ, ხალხო, ყველამ
კოვიდვაქცინაცია! – წერს ლევან ბერძენიშვილი.