“გადაადგილებაზე შეზღუდვა ისევ ძალაში რჩება,” – ამის შესახებ საკოორდინაციო საბჭოს სხდომის დასრულების შემდეგ საქართველოს პრემიერ-მინისტრმა, ირაკლი ღარიბაშვილმა განაცხადა.
როგორც ირაკლი ღარიბაშვილმა აღნიშნა, ძალაში რჩება 21:00 საათიდან 05:00 საათამდე გადაადგილების შეზღუდვა. ამასთან, საქალაქთაშორისო ტრანსპორტი მუშაობას ხვალიდან, 25 თებერვლიდან განაახლებს. როგორც პრემიერ-მინისტრმა თქვა, “კომენდანტის საათი” კვლავ ძალაში რჩება.
ამასთან, სპორტული დარბაზები 15 მარტიდან განსაზღვრული რეგულაციების დაცვით განაგრძობენ მუშაობას. სამთო კურორტებზე სასტუმროები 25 თებერვლიდან გაიხსნება. ირაკლი ღარიბაშვილის თქმით, სამთო კურორტებზე არსებული საბაგიეროები გაიხსნება რვა მარტიდან რეგულაციების სრული დაცვით.
„ხვალიდან, 25 თებერლიდან არსებული ეპიდემიოლოგიური სტანდარტებისა და რეგულაციების სრული დაცვით სამთო კურორტებზე სასტუმროები გაიხსნება, სამთო კურორტებზე არსებული საბაგიეროები კი გაიხსნება რვა მარტიდან“, – აღნიშნა ღარიბაშვილმა.
16 სულ ნახვები
კომენტარები
0 კომენტარები
