ილიკო სუხიშვილი საყვარელ საქმეს დაუბრუნდა. ორთვიანი პაუზა ქორეოგრაფისთვის საკმარისი აღმოჩნდა იმისთვის, რომ ნელ-ნელა დარბაზში დაეწყო სიარული. გახსოვთ, ალბათ, სუხიშვილი 17 ნოემბერს მოტოციკლეტით ბოძს შეეჯახა და ფეხზე ნაკერის დადება დასჭირდა. მაშინ ექიმის რეკომენდაცია იყო, რომ ფეხი ორი თვე არ ემოძრავებინა.
და როგორც “პრაიმამბებს” ანსამბლის აღმასრულებელი მენეჯერი, ხატია ეკიზაშვილი უყვება, ილიკო ამოძრავდა და ნელ-ნელა დაიწყო დარბაზში სიარული.
ხატია ეკიზაშვილი: – ფორმას ვუბრუნდებით. ველოდებოდით რეგულაციების მოხსნას. დარბაზში რეპეტიციებს ანსამბლის მცირე ნაწილი გადის. მთლიანი დასის რეპეტიციას ვერიდებით.
ილიკო თავს გადასარევად გრძნობს. ჯერჯერობით, სიარულის დროს, ჯოხი სჭირდება, თუმცა ფეხი უკეთ აქვს და დადის.
ჩვენი სამომავლო გეგმა და სიახლე დამოკიდებულია ეპიდსიტუაციაზე. თუ საკონცერტო დარბაზებს გახსნიან, პირველები ვიქნებით, ვინც კონცერტს ჩაატარებს.