ჩხოროწყუს მუნიციპალიტეტის მერიის დასუფთავების სამსახურის უფროსი ეთერ ჯაფარიძე აცხადებს, რომ ბავშვებს მერიის საპირფარეშო თვითნებურად დაასუფთავებინა. ჯაფარიძე მიიჩნევს, რომ კანონი არ დაურღვევია. ჯაფარიძე ამობს, რომ ადამიანმა შრომა ბავშვობიდან უნდა შეიყვაროს.
„ვიმოქმედე თვითნებურად… ამ შემცირების შემდეგ დამრჩა ერთი იდეა, რომ ბავშვებისთვის ჩამედო ეს პატარა მარცვალი. წავედი მეორე საჯარო სკოლაში, შევხვდი სკოლის დირექტორს, შემიყვანა მე-7 კლასში, ბავშვებს ვუთხარი, რომ შრომა იწყება დაბადებიდან. ვიყავი ევროპაში და იქ არაფერი არ იყო ჩვენზე უკეთესი, არც კულტურა, გარდა იმისა, რომ იქ ტუალეტიც რომ გაწმინდო, არაფერი არ არის სასირცხვილო-მეთქი. რატომ მერიაში? წამოვიყვანე ეს ბავშვები მერიაში, იმიტომ რომ ესენი უნდა გახდნენ შემდგომში მერები, მხატვრები, ინჟინრები, ტურისტები, ცნობილი პიროვნებები, მაგრამ, ოჯახს რომ გაუჭირდეს და შვილებს დასჭირდეთ, ასეთი საქმე არ უნდა ითაკილონ. წამოვედით, ეს დავახვედრე გაპრიალებილი. მე პრაქტიკულად ბრიგადირი მქვია, მაგრამ ვარ მერიის ტუალეტის გამგე და არ მეთაკილება. და აი აქ ვითამაშეთ. ერთმა ბავშვმა ჩაწერა, დაქოქილი იყო იქედან, ვისაც აინტერესებს და სკოლის დირექტორობა უნდა“, – განაცხადა ეთერ ჯაფარიძემ.
ცნობისათვის, ჩხოროწყუს ერთ-ერთი სკოლის მოსწავლეებს მერიის შენობის საპირფარეშო დაასუფთავებინეს.