“ძმები მამასთან ერთად ქირით ცხოვროდნენ” – ახალი დეტალები ძმის მიერ მოკლული ფეხბურთელის შესახებ

თბილისში, ძმამ ძმა მოკლა. მოკლულია 19 წლის მიშა ახლოური, რომელსაც დანით სასიკვდილო ჭრილობები 21 წლის ძმამ მიაყენა.

მიშო ახლოური ფეხბურთელი იყო. ის სფეხბურთო კლუბ “საბურთალოში” თამაშობდა. მისი მეგობრის თქმით, 10 იანვარს ის სტაიერის სინჯებზე მიდიოდა.

მკვლელობა გასულ ღამეს მოხდა. ახლობლებს მომხდარს მიზეზებზე საუბარი უჭირთ. მეზობლები ამბობენ, რომ ძმები მამასთან ერთად ქირით ცხოვროდნენ.

მათ არაფერი სმენიათ ოჯახში კონფლიქტის შესახებ და ამბობენ, რომ ხმაური არც გასულ ღამეს გაუგიათ.

დაჭრილი ახალგაზრდა ინგოროყვას კლინიკაში გადაიყვანეს, თუმცა მისი გადარჩენა ექიმებმა ვერ შეძლეს.

ბრალდებული უკვე დაკავებულია. გამოძიება 108-ე, განზრახ მკვლელობის მუხლით მიმდინარეობს და ბრალის დამტკიცების შემთხვევაში დაკავებულს 7-დან 15 წლამდე პატიმრობა ემუქრება

 25 სულ ნახვები

კომენტარები

0 კომენტარები