ტელეკომპანია „მთავარი არხის” დამფუძნებელი და დირექტორი ნიკა გვარამია სოციალურ ქსელში აშშ-ში მიმდინარე მოვლენებს ეხმაურება.
„ტეოდორ დრაიზერი არ ვიცი და დონალდ ტრამპი ნამდვილი ამერიკული ტრაგედიაა.
თვალს ვადევნებ, არც მეტი არც ნაკლები, სახელმწიფო გადატრიალების და ხელისუფლების უზურპაციის მცდელობას, არც მეტი არც ნაკლები, ამერიკის შეერთებულ შტატებში.არ მჯერა, ამას რომ ვწერ”, – წერს ნიკა გვარამია.
ცნობისთვის, 6 იანვარს აშშ-ში კონგრესმენების მიერ საარჩევნო ხმების დათვლასა და გადამოწმებას ტრამპის მომხრეების პროტესტი მოჰყვა.
დონალდ ტრამპის მხარდამჭერები კაპიტოლიუმში შეიჭრნენ და პროცესი შეაფერხეს.
კონგრესში მიმდინარე სხდომა შეჩერდა. ვაშინგტონში, კაპიტოლიუმის შენობიდან ვიცე-პრეზიდენტის, მაიკ პენსის ევაკუაცია განხორციელდა, სადაც მან სპეციალური სხდომა გახსნა.
შენობაში არსებული საფრთხის გამო, სენატორები და ჟურნალისტები მიწისქვეშა გვირაბებით გადაადგილდებოდნენ.
აშშ-ის კონგრესში ტრამპის მომხრეებისა და პოლიციის თანამშრომლებს შორის დაპირისპირებისას ერთი ადამიანი დაიჭრა.
ტრამპმა კაპიტოლიუმში შეჭრილ მხარდამჭერებს სიმშვიდისკენ მოუწოდა.
კაპიტოლიუმში დონალდ ტრამპის მხარდამჭერების შეჭრის საკითხს ამერიკის ახლადარჩეული პრეზიდენტი ჯო ბაიდენი გამოეხმაურა და კაპიტოლიუმში შეჭრილებს მცირე რაოდენობის ექსტრემისტები უწოდა, რომლებიც უკანონოდ მოქმედებენ.
18 სულ ნახვები
კომენტარები
0 კომენტარები
