ქართველებმა უკრაინელი დეპუტატი გაძარცვეს – ვრცელდება სპეცოპერაციის კადრები

ჯერ კიდევ 10 ოქტომბერს, უკრაინის დედაქალაქში სპეცოპერაცია ჩატარდა, რა დროსაც ძარცვის ბრალდებით საქართველოს მოქალაქეები დააკავეს. ჯერ კიდევ 10 ოქტომბერს, უკრაინის დედაქალაქში სპეცოპერაცია ჩატარდა, რა დროსაც ძარცვის ბრალდებით საქართველოს მოქალაქეები დააკავეს.

სპეცოპერაციას მას შემდეგ ჩატარდა, რაც ფიფიამ და დანელიამ უკრაინელი დეპუტატის, ვლადიმერ კაცუბას კუთვნილი დიდი ოდენობით თანხა გაიტაცეს.

დეპუტატის მძღოლი ლესია უკრაინკას მოედანთან მდებარე ვალუტის გადამცვლელი პუნქტიდან გამოვიდა, რა დროსაც ორი ქართველი მამაკაცი მიუახლოვდა და ხელყუმბარის აფეთქებით დაემუქრა, თუ ფულს არ გადასცემდა.

მას ჩანთაში, სავარაუდოდ დეპუტატის კუთვნილი 160 000 ევრო და 340 000 გრივნა ედო.

როგორც ჩანს, მათ მიერ ძარცვის ეს პირველი შემთხვევა არ იყო. გაირკვა, რომ რომეო ფიფია და გია დანელია ვალუტის გადამცვლელ ჯიხურებთან მოქალაქეებს სისტემატიურად ძარცვავდნენ, რამდენჯერმე დააკავეს კიდეც, თუმცა პირობითი სასჯელის სანაცვლოდ გაათავისუფლეს. უკრაინული მედია ვარაუდობს, რომ ისინი სასამართლოში ქრთამს იხდიდნენ.

ბოლო ძარცვის დროს კი მათ დასაკავებლად კიევის ცენტრში მასშტაბური სპეცოპერაცია ჩატარდა, იყო რამდენიმე გასროლის ხმაც, ვინაიდან მძარცველებმა მანქანით გაქცევა სცადეს.