“პრაიმამბებისთვის” ცნობილი გახდა, რომ ალეკო მალხაზიშვილმა და მისი გუნდის არასრულმა შემადგენლობამ “რუსთავი 2” დატოვა და სამუშაოდ “ფორმულაზე” გადავიდნენ.
“კომედი ჯგუფი” “რუსთავი 2”-ზე “ნიკა არაბიძის შოუს”, “ფარულ კონვერტს”, “ანეკდოტების შოუს”, “გააცინე და მოიგეს” და “კომედი შოუს” აკეთებდა.
არხიდან წასული ნიკა არაბიძე და ალეკო მალხაზიშვილი “რუსთავი 2”-ს თანამშრომლობისთვის მადლობას უხდიან და ამბობენ, რომ ახალი მენეჯმენტის მხრიდან მათ თავისუფლებაში არანაირი ჩარევა არ ყოფილა.
“პრაიმამბები” “კომედი გრუპის ხელმძღვანელს” ალეკო მალხაზიშვილს დაუკავშირდა.
– ალეკო, რატომ დატოვეთ “რუსთავი 2”?
– საინტერესო შემოთავაზება მივიღეთ, გავხადოთ “ფორმულა” წარმატებული არხი. ეს ჩვენი გუნდითვის დიდი მოტივაციაა კრეატიული წინსვლისა და განვითარებისთვის. ამიტომაც დავთანხმდით. “რუსთავი 2”-ზე კარგის მეტი არაფერი მეთქმის.
“ფორმულაზე” “კომედი ჯგუფის” ოთხი გადაცემით გადავედი, ია ფარულავას “ფარული კონვერტი” დარჩა “რუსთავი 2”-ზე და მის ნაცვლად სხვა გადაცემას გავაკეთებთ. ალბათ მარტიდან ან მარტის შუა რიცხვებიდან უკვე ეთერში გავალთ.
ნიკა არაბიძე (იუმორისტი, ტელეწამყვანი): “ფორმულაზე” გადავდივართ მთელი გუნდი და მათ შორის “ნიკა არაბიძის შოუც”, ახლა ვწერ სეზონის ბოლო გადაცემას “რუსთავი 2”-თვის. არანაირი დაპირისპირების და ფინანსურად უფრო მომგებიანი შემოთავაზების გამო, არ მივდივართ “ფორმულაზე”, უბრალოდ ახლა ასე გადავწყვიტეთ.
– რაიმე შეზღუდვა ხომ არ გქონიათ “რუსთავი 2”-ზე?
– “რუსთავი 2”-თვის მადლობის მეტი არაფერი არ მეთქმის. სრული თავისუფლება მქონდა მუშაობისთვის. რაც შეიცვალა არხის მფლობელი, ჩვენს არცერთ გადაცემაზე ცენზურა არ ყოფილა, რაც ეთერში ჩანდა კიდეც. ხელისუფლებაზეც ვხუმრობდით, ოპოზიციაზეც და ორივე მხრიდან გვყავდა სტუმრები.
“პრაიმამბები” არხის გენერალურ დირექტორს პაატა სალიას დაუკავშირდა.
– ჩვენ საკმაოდ წარმატებული ურთიერთობა გვქონდა, მათი მხრიდან რამდენიმე პროდუქტი მზადდებოდა “რუსთავი 2”-თვის, მაგრამ მიიღეს ახალი შემოთავაზება და გადაწყვიტეს ახალ გამოწვევებს შეეჭიდონ.
ურთიერთობებში არანაირი წინააღმდეგობები არ გვქონია, არ გამოვრიცხავ მომავალში ისევ გადაიკვეთოს ჩვენი გზები, უბრალოდ ჯგუფმა ჩათვალა სხვა არხზე გამოსცადოს ბედი.
საბოლოოდ რომელი გადაცემები წავა და რა სახით წავა ეს უკვე მოლაპარაკების დეტალებია. “კომედი ჯგუფის” ხელმძღვანელობასთან ვთანამშრომლობთ და საბოლოო ჯამში რა გადაწყდება კონკრეტულად, გაიგებს მაყურებელი, როგორც ჩვენი არხით, ასევე იმ არხით სადაც გადადიან.
წყარო: primeambebi.ge
კომენტარები
0 კომენტარები
