დაავადებათა კონტროლის ეროვნული ცენტრის ხელმძღვანელი ამირან გამყრელიძე არსებული შეზღუდვების იანვრის ბოლომდე გაგრძელების აუცილებლობას ხედავს.
„თუ ჩვენ დაახლოებით ამ ტიპის შეზღუდვებს იანვრის ბოლომდე გავაგრძელებთ, რაც დღეს მოქმედებს ქვეყანაში, იანვრის ბოლოსთვის გვექნება კორონავირუსის 1571 ყოველდღიური შემთხვევა. მაგრამ, თუ შეზღუდვებს მოვუშვებთ, რაც დღეს არის, მაშინ ეს მაჩვენებელი შეიძლება იანვრის ბოლოსთვის ავიდეს 5 ათასზე“, – აღნიშნა ამირან გამყრელიძემ.
მისი თქმით, პირბადის ტარების კუთხით 70%-ზე ვართ ასულები, რაც წინ გადადგმული ნაბიჯია, თუმცა არასაკმარისი. ეს მაჩვენებელი უნდა იყოს 95%.
„თუ პირბადის მოხმარების 95%-ზე ავალთ, მაშინ იანვრის ბოლოს, რასაც სისტემა ვერ დაიჭერს, ჩვენ ყოველდღიური მაჩვენებელი 728-ის ფარგლებში გვექნება, რასაც დაიჭერს, ეს იქნება დაახლოებით 400-500-ის ფარგლებში. დამერწმუნეთ, ეს იქნება მნიშვნელოვანი ნაბიჯი სიტუაციის დამშვიდებისკენ“,- აღნიშნა ამირან გამყრელიძემ.
10 სულ ნახვები
კომენტარები
0 კომენტარები
