რეპერი ლექსენი გადაცემა „ფარულ კონვერტს“ ესტუმრა, სადაც წარსულზე ისაუბრა და მის ცხოვრებაში მომხდარი ერთი ინციდენტი გაიხსენა.
გადაცემის წამყვანი ია ფარულავა იხსენებს, რომ რამდენიმე წლის წინ, მიხეილ სააკაშვილის პრეზიდენტობის დროს სამთავრობო კონცერტები იმართებოდა, რომლებსაც სტეფანე ხელმძღვანელობდა. მომღერალი არჩევდა იმ არტისტებს, რომლებიც სცენაზე გამოვიდოდნენ და სწორედ ამ დროს მოხდა დაპირისპირება ლექსენსა და სტეფანეს შორის.
“ტარდებოდა კონცერტები, ვიღაცეებმა რაღაც ტენდერები მოიგეს და მე ამომაგდეს. თუ შენი ინტერესის სფეროა, რომ ვიღაცა რაღაცაში გაპარსო, მაშინ შენ არ დაგაფასებენ როგორც შემსრულებელს და არტისტს. ჩემთვის ეს სიყვარული უფრო მეტია ვიდრე ერთხელ მოპარული ფული. რაღაცეებზე დავხუჭე თვალი და უბრალოდ რომ მოვიკითხე რაში იყო საქმე ფორმატში არ ჯდებიო მითხრეს. სტეფანესთანს საქმე არ გამირჩევია, საქმე უნდა გაარჩიო შენს საპირწონესთან. აქ მთავარია ერთი რაღაც, შენ ადამიანს არ უნდა აჩვენო მოვლენიდან გამომდინარე შენი წყენა და სისუსტე. მაშინ გამოვიდა, რომ იმის ფორმულამ იმუშავა, არადა მე ამ დროს ზემოდან შევხედე.” – განაცხადა რეპერმა