რეჟისორი ლევან ჭოლა წულაძე ტელეკომპანია „იმედის“ გადაცემას „ მთავარ როლში“-ს ესტუმრა სადაც მაყურებელს მისი მეუღლის გაცნობის და მათი სიყვარულის ისტორია უამბო:
„თეატრალურში მე უკვე პედაგოგი ვიყავი და მანანა იყო შესანიშნავი, მზეთუნახავი სტუდენტი, ოღონდ ჩემი არა. ერთ მშვენიერ დღეს გოგი მარგველაშვილმა მითხრა, მშვენიერი გოგოა, მოიყვანე ცოლად, სად იყურებიო. ისე მოხდა, რომ მივესალმეთ ერთმანეთს და რამდენიმე დღეში დასალევადაც წავედით მეგობრებთან ერთად. სამ დღეში გადავწყვიტეთ ოჯახის შექმნა. სადღეგრძელოს ვამბობდი ოჯახის შესახებ. უცებ ყველა მოვიდა და გადამკოცნეს. ყველა კარგ ხასიათზე დადგა და ვიფიქრე, სანამ არ გადაუფიქრებია ამ კარგ გოგოს-მეთქი, ნახევრად ხუმრობაში მეორე დღეს ვიყავით უკვე ცოლ-ქმარი. თავქარიანად მოვიქეცი, მაგრამ მანანაც თავქარიანად მოიქცა“
ცოლ-ქმრობის დროს, როდესაც წყვილი შვილს ელოდებოდა, რეჟისორს დაფინანსების მოსაპოვებლად ორი თვით გერმანიაში წასვლა მოუწია.
„მანანა როდესაც ორსულად იყო, 2 თვით მომიწია გერმანიაში წასვლა. ძალიან მტკივნეული იყო ამ პერიოდში ჩემთვის წასვლა, თუმცა მანანამ გმირულად მიიღო ეს ამბავი და გამატანა ჩვენი ოჯახის რელიქვია, ყვითელი ჩემოდანი. ძალიან რთული იყო ეს განშორება. რომანტიკულ ფილმებში რომ არის, ასე წავედი“ – იხსენებს ლევან წულაძე
168 სულ ნახვები
კომენტარები
0 კომენტარები
