როგორია დიანა ჯოჯუას ცხოვრება ეკრანის მიღმა და რა ქონებას ფლობს ტელეწამყვანის მეუღლე

ტელეწამყვანი დიანა ჯოჯუა, უკვე წლებია 9-საათიანი საინფორმაციო გამოშვების წამყვანია, ტელევიზიის შეცვლის მიუხედავად, ის პოსტს ინარჩუნებს და საზოგადოებას დღის მთავარ ამბებს უკვე „მთავარი არხიდან“ უყვება.

წარმატებული ჟურნალისტის უკან ცხოვრების ბევრი საინტერესო დეტალი დგას, რომელზეც ტელეწამყვანი საჯაროდ საუბარს ყოველთვის ერიდება.

როგორია დიანა ჯოჯუას ცხოვრება ეკრანის მიღმა და რა ქონებას ფლობს ტელეწამყვანის მეუღლე

ბავშვობა

„ბავშვობაში ვიყავი ძალიან ცელქი, ვთამაშობდი ფეხბურთს. როდესაც რაიმე არ მომეწონებოდა თავით შევრბოდი და მედგრად ვიდექი ჩემი პოზიციების დასაცავად.“

ტელეწამყვანი ერთ-ერთ ინტერვიუში საუბრობს, რომ 10-12 წლის ასაკში სამხედრო მფრინავობაზე ოცნებობდა, ხოლო მოგვიანებით კი იურისტობაზე, თუმცა საბოლოოდ ტელევიზიაში აღმოჩნდა და იქაურ გარემოში თავი კარგად იგრძნო.

„არასოდეს მიფიქრია, რომ გავმხდარიყავი ჟურნალისტი, მინდოდა იურისტობა, რთულ პროფესიებს ვირჩევდი, მომწონდა სირთულეებთან შეჭიდება, როდესაც ამას აგვარებ და ამარცხებ ყველაზე დიდი სიამოვნებაა.

ჟურნალისტიკაში უცნაურად აღმოვჩნდი, თითქმის ერთიდაიგივე საგანი მქონდა ჩასაბარებელი, სამართალი ვერ მოვასწარი და ვიფიქრე, ახლა ჟურნალისტიკაზე ჩავაბარებ და მომდევნო წელს გადავაბარებთქო და მოვხვდი საოცარ სამყაროში, რასაც ჰქვია ტელევიზია, არაფერი არ ვიცოდი, მაგრამ მომეწონა”, – ამბობს დიანა ჯოჯუა.

მნიშვნელოვანი ეთერი

„ბოლო ეთერი, რომელიც „რუსთავი 2“-ში მქონდა. ძალიან ბევრჯერ ვუყურე ამ ეთერს და ყოველთვის განვიცდიდი იმ ემოციას, რომელიც მაშინ მქონდა.

საოცრად ვღელავდი, როდესაც გავაცნობიერე, რომ ეს არის ბოლო მისალმება და ამის შემდეგ „ჩემს სახლს“ დავტოვებდი წარმოუდგენელი სიმძიმის ეთერი იყო.

20 წლიანი კარიერის განმავლობაში, თითზე ჩამოსათვლელად მაქვს ის დღეები, როდესაც მე მითქვამს, რომ არ შემიძლია ეთერის წაყვანა, ძირითადად ეს ჯანმრთელობის პრობლემის გამო მომხდარა“- ამბობს დიანა ჯოჯუა.

ოჯახის ტრაგედია

ძალიან პატარა ასაკში გარდამეცვალა მამა. დედაჩემმა, რომელიც ძალიან ადრე დაქვრივდა მე და ჩემს ძმას მოგვიძღვნა მთელი მისი ცხოვრება, იბრძოლა იმისთვის, რომ გავმხდარიყავით ის ვინც ვართ დღეს ჩვენ. დედა ჩემთვის ყველაზე მნიშვნელოვანი ადამიანია“- ამბობს დიანა ჯოჯუა.

დიანა ჯოჯუა გათხოვილია, მისი მეუღლე ნიკა რამიშვილია. ის 2013 წელს „არქიმედეს გლობალ ჯორჯიაში“ გენერალური დირექტორის პოსტს იკავებდა, სადაც მისი წლიური შემოსავალი აღნიშნულ თანამდებობაზე 224847.00 ლარი იყო. იქამდე კი, სანამ კერძო ბიზნესში გადავიდოდა, ის სახელმწიფო უწყებაში მუშაობდა და საკმაოდ სოლიდურ თანამდებობას იკავებდა, ნიკა რამიშვილი საქართველოს დასაქმების სახელმწიფო მინისტრის აპარატში მუშაობდა, იყო სახელმწიფო მინისტრის მოადგილე.

წყვილს საერთო შვილი, ტუნა რამიშვილი ჰყავთ.

მათი შვილები ბევრს მოგზაურობენ და ცხოვრებისეულ გამოცდილებასთან ერთად, უცხოეულ მეგობრებს იძენენ, რაც მშობლების თაობას საოცრად აკლდა.

დიანა ჯოჯუა და ტელეწამყვანი ნანუკა ჟორჟოლიანი საუკეთესო მეგობრები არიან, ერთად თავისუფალ დროს ხშირად ატარებენ.

როგორც დიანა ჯოჯუა ამბობს, ყველაზე კარგად მაშინ ერთობა, როდესაც მეგობრებთან ერთად არის.

„ზოგჯერ ვფიქრო, რომ ორი ადამინიანი ვარ. ერთი, რომელიც მხოლოდ იმ ჯადოსნურ ყუთში ზის და მეორე, რომელიც რეალურად არსებობს . ჩემი საქმიდან გამომდინარე ვერ ვაძლევ თავს, ბოლომდე ვიყო ის რაც ვარ. ადამიანს ჩემგან უნდა ობიექტური და ნეიტრალური ინფორმაციის მიღება.

წყარო: “დაიჯესტი”