ცოტამ თუ იცის, რომ ნანი ბრეგვაძისთვის სახელი რეჟისორ ნიკოლოზ შენგელაიას შეურჩევია. კოლია თავის ფილმს – “ნარინჯის ველს” იღებდა. მსახიობებს თან მეუღლეებიც ახლდნენ გადასაღებ მოედანზე. ფილმში ნატო ვაჩნაძესთან და ვერიკო ანჯაფარიძესთან ერთად, ნანის მამაც, გიორგი ბრეგვაძეც თამაშობდა. მას თან ახლდა თავისი ცოლი, ცაბო მიქელაძე, რომელიც მაშინ ნანიზე იყო ორსულად. ფეხმძიმედ იყო ვერიკო ანჯაფარიძე და ნატო ვაჩნაძეც.
მაშინ კოლიას უთქვამს, ვისაც გოგო გეყოლებათ, ნანი დაარქვით, ვისაც ბიჭი – გიორგი ერქვასო. ასე დაერქვათ ნანი ბრეგვაძეს და გიორგი შენგელაიას სახელები…
ეკა მამალაძე: – როცა დედას ნათლავდნენ, მაშინ უთქვამთ, ნანი საეკლესიო სახელი არ არისო და ნინოს სახელით მოუნათლავთ, ამიტომ მისი ნათლობის სახელი ნინოა. ჩვენს ოჯახში ნინოობას, 27 იანვარს ყოველთვის დიდი სუფრები იშლებოდა და წმინდა ნინოს ხსენების დღე აღინიშნებოდა.
წყარო: “primeambebi.ge”