“მინდა გამოვეხმაურო ორი დღის წინ, ჩემს წინააღმდეგ შეკვეთილ სიუჟეტს, რომელიც სამარცხვინო ტელევიზიამ მოამზადა “- ნიკოლოზ ბასილაშვილის საგანგებო მიმართვა

საქართველოს პირველი ჩოგანი ნიკოლოზ ბასილაშვილი TV – პირველის ეთერში გასულ რეპორტაჟს ეხმაურება და ამტკიცებს, რომ გავრცელებული აუდიო ჩანაწერები კონტექსტიდან ამოგლეჯილია.

ამასთან, ჩოგბურთელი სოციალურ ქსელში წერს, რომ მისი დუმილი ბავშვის ინტერესებიდან არის განპირობებული.

“მინდა გამოვეხმაურო ორი დღის წინ, ჩემს წინააღმდეგ შეკვეთილ სიუჟეტს, რომელიც სამარცხვინო ტელევიზიამ მოამზადა:

ჩანაწერები, რომლებიც გავრცელდა, არის ფარულად ჩაწერილი, კონტექსტიდან ამოგლეჯილი. არ ყოფილა სრული სახით ნაჩვენები და არ ასახავდა ნამდვილ შინაარს.
ამ გადაცემით, პირველ რიგში, შეილახა ჩემი შვილის უფლებები, რომელიც სკოლის მოსწავლეა და შესაძლოა მარტივად გახდეს ბულინგის მსხვერპლი.

ჩემი შვილი არის ჩემთვის უპირველესი ადამიანი, მოტივატორი და ვფიქრობ, მხოლოდ ასეთი უზნეო ჟურნალისტების მსგავსად მოაზროვნე ადამიანებმა შეიძლება შეიტანონ ეჭვი ამაში.

ჩემი დუმილი განპირობებული არის ბავშვის ინტერესებიდან გამომდინარე და არ მსურს დეტალებზე საუბარი!

მე პარალელულური მართლმსაჯულების გამართვას არ ვაპირებ და ველოდები სასამართლოს გადაწყვეტილებას”, – წერს ბასილაშვილი “ფეისბუქი”-ს გვერდზე.

“დიდი ტრაგედია გადავიტანე, ძალიან ბევრი წელი ვიტანჯებოდი…” – ნეკა დოროყაშვილის მიმართვა

 1,644 სულ ნახვები

კომენტარები

0 კომენტარები