იტალიაში დღეიდან შეზღუდვები იხსნება

იტალიაში 26 აპრილიდან შეზღუდვების შემსუბუქება იწყება. ამის შესახებ უცხოური მედია წერს.

ამასთან, დღეიდან იტალიის უმეტესი ნაწილი “ყვითელ” ზონად გადაიქცევა.  ბოლო რამდენიმე კვირის განმავლობაში ქვეყნის ყველა რეგიონი “წითელ” ან “ნარინჯისფერ” ზონად იყო გამოცხადებული. “ნარინჯისფრად” დარჩება 5 რეგიონი, ხოლო “წითლად” – მხოლოდ სარდინია.

იტალიის მთავრობის გადაწყვეტილებით, გაიხსნება რესტორნებისა და ბარების ღია სივრცეები.

გარკვეული შეზღუდვებით გაიხსნება კინოთეატრები, თეატრები და მუზეუმები.

ქვეყანაში ეპიდემიის გავრცელებიდან დღემდე კორონავირუსით 3 962 674 ადამიანი დაინფიცირდა, ხოლო 119 238 გარდაიცვალა.

 11 სულ ნახვები

კომენტარები

0 კომენტარები