“2013 წელს მიშიკო იძულებული გახდა რომ საქართველო დაეტოვებინა, თუმცა სექტემბერში სამშობლოში დაბრუნებას აპირებს ,” – ამის შესახებ საქართველოს ექს-პრეზიდენტის დედამ გიული ალასანიამ გადაცემაში ” სტუმრად ლელასთან” განაცხადა.
“ძალიან მძიმე დღეები იყო, ჯერ ისედაც მშვიდობიან პერიოდშიც უჭირდა ქვეყნის დატოვება, მიბმულია ამ მიწაზე. არ უყვარს სხვაგან ყოფნა, მითუმეტეს ასეთ მდგომარეობაში, როდესაც იძულებულ გახდა ქვეყნიდან წასულიყო. თავდაპირველად ამერიკაში მოუწია ყოფნა, მეგობრებიც ჰყავდა, თუმცა, რომელ უნივერსტიტეშიც არ უნდა ემუშავა იქ ფუნქცია არ ჰქონდა. მას სიმშვიდეში ცხოვრება არ უყვარს, არ არის ეს მისთვის კომფორტული. ასეთი ცხოვრების შემდეგ ძალიან გაუჭირდა, შეიძლება რამდენიმე საქმის ერთად კეთებას მეც მივაჩვიე. ადამიანი ფაქტობრივად უფუნქციოდ დარჩა. კი ბატონო, მეგობრებიც ჰყავს, ტელევიზიითაც გამოვა, ვიღაცას დაელაპარაკება, მაგრამ ეს ხომ არ არის მისი მასშტაბი, მისი შესაძლებლობა არა?! ზოგადად მე დანაშაულად მიმაჩნია, რომ ასეთი შესაძლებლობის ადამიანი ფაქტობრივად გამოუყენებელია, ეს დანაშაულია!
უკრაინაში ხშირად ვარ ხოლმე, ჩემთვის ერთი შეხედვაც საკმარისია ხოლმე. ბევრისგან მომისმენია, მოწინააღმდეგეებიც ჰყავს, მაგრამ ის მოწინააღმდეგეც აღიარებს, რომ დღეს უკრაინაში ის ნომერ პირველი პოლიტიკოსია, მაგრამ ეს მაინც არ არის მისი ქვეყანა. მისი გული არის აქ. ჩამოსვლას აპირებს, სექტემბერი დაასახელა და მეც ასე მითხრა. ძალიან ვერიდები, რომ მსგავსი შეკითხვები დავუსვა, მაგრამ თავად მითხრა, სექტემბერში ჩამოვდივარო, ის თავის დანაპირებს ყოველთვის ასრულებს.
რა თქმა უნდა, შიში მაქვს, მაგრამ ცხოვრება ხომ რისკია?! ვფიქრობ, მაინც ისევ იგივე გზას გაივლიდა,” – ამბობს გიული ალასანია ლელა წურწუმიასთან ინტერვიუში.
1 სულ ნახვები
კომენტარები
0 კომენტარები
