ცოტა ხნის წინ სამრეწველო დიზაინერმა ზვიად ციკოლიამ სოციალურ ქსელში პოსტი გამოაქვეყნა, რის გამოც კრიტიკის ობიექტი გახდა. მის განცხადებას პროფესორი ოთო აბესაძეც გამოეხმაურა და განაცხადა, რომ „ციკოლიას“ საათს ყიდის, მიღებული თანხით კი ერთ სტუდენტს სწავლას დაუფინანსებს.
“დაბადების დღეზე მაჩუქეს “ციკოლია”-ს ბრენდის შესანიშნავი საათი. (არ ვიცი მისი საბაზრო ღირებულება)
ვყიდი და აღებული ფულით სრულად ვუფინანსებ სწავლას ერთ სტუდენტს შემდეგი კრიტერიუმებით:
უნდა აგრძელებდეს სწავლას უცხოეთში.
აუცილებლად უნდა აგრძელებდეს სწავლას ეკონომიკის ან სტატისტიკის მიმართულებით.
უნდა ქონდეს ქართულ უნივერსიტეტში (სადაც სწავლობდა) მაღალი GPA და მაღალი შეფასებითი მაჩვენებლები.
ვაფინანსებ იმ პირობით, რომ სწავლის დასრულების შემდეგ მიღებულ გამოცდილებას და უნარ-ჩვევებს მოახმარს ჩემს კომპანიას დაფინანსებული თანხის შესაბამისად.” – წერს აბესაძე