ვის და რატომ ესროლა ათი ტყვია კურიერის ფორმაში ჩაცმულმა ქილერმა?

სისხლიანი ანგარიშსწორება თბილისის ცენტრში – ნაკაშიძის ქუჩაზე “გლოვოს” კურიერის ფორმაში ჩაცმული დაქირავებული მკვლელი მოპედით მივიდა და ცეცხლსასროლი იარაღიდან “დოლიძის საძმოს” წევრს ათამდე ტყვია ესროლა.

შემთხვევას ორმხრივი სროლა მოჰყვა, დაჭრილია ქილერიც, რომელიც კლინიკაში მოათავსეს.

გავრცელებული ინფორმაციით, ჩაცხრილულია ძმები ათანაშვილებიდან ერთ-ერთი, რომლის ჯანმრთელობის მდგომარეობა ამჟამად დამაკმაყოფილებელია. ის კლინიკაშია გადაყვანილი.

ადგილზე დიდი ოდენობით სამართალდამცველები არიან მობილიზებულები.

კომენტარები

0 კომენტარები